SADAQA TEK ALLANYŃ RIZAShYLYǴY ÚShIN BERILÝI KEREK

Paıǵambarymyz (s.a.ý) bylaı deıdi: «Sizderden eshbirińiz nápsi meniń aıtqandaryma ermeıinshe (tolyq) múmin bola almaıdy». (Mıshkat ýl-masabıh)

Kimde-kim sadaqa bergen adamynan duǵa, rahmet ne maqtaý kútpeýge tıis. Rasynda Alla Taǵala bylaı deıdi: “(Alla Taǵalanyń taqýa quldary) Biz senderge tek Allanyń rızashylyǵy úshin toıdyramyz. Senderden aqy ne rahmet talap etpeımiz. (deıdi.)” (Adam súresi, 9-aıat)

Mine, sondyqtan sadaqa bergen adamnan duǵa tilemeı, paıdasy óz basyna tıetin nárseden tasattyq suramaý kerek, tek Alla rızasy úshin berýge tıis.

Adam bosaǵasyna kelgenge uryspaýǵa tıis, beretin birdeńe bolsa, ‘Alla Taǵala senderdi de, bizdi de rızyqtandyrsyn’ degen sekildi jumsaq tilmen shyǵaryp salǵany jón.

Ibrahım ıbn Ádhám bylaı deıdi: “Esigimizge kelip birdeńe suraıtyndar qandaı jaqsy adamdar! Aqyretke biz úshin azyq jetkizedi.”

Ibrahım Náhaı (rah.) bylaı degen: “Esigińizge kelip birdeńe suraǵan adam bylaı degisi keledi: Aqyrettegi baýyrlaryńyzǵa, týystaryńyzǵa birdeńe jibergińiz kele me?” 

Paıǵambarymyz (s.a.ý.) bylaı deıdi: 

“Qııamet kúni kedeı (ári taqýa) bir qul ákeledi. Qudiretti Alla ony dúnıede paqyr qylǵanynyń hıkmetterin túsindirip, bylaı deıdi: “Ústemdigim men Aıbarymnyń qaqysy úshin saǵan joqshylyq bermeımin, seni qor, álsiz kórgendigimnen de emes. Sen úshin mol izgilik pen keremet daıyndaý úshin. Mahshar sabyna shyq, meniń rızashylyǵymdy oılap saǵan kim jyly kıim, as-aýqat berdi, sonyń qolyn usta, ony saǵan baǵyshtadym” deıdi. Ol ýaqytta basqa adamdar qara terge malshynǵan. Al ol saptyń qataryn aralap ózine kómekteskenderdiń qolynan alyp jánnatqa bet alady.”