SADAQA ShYNAIY KÓŃILMEN BERILÝI QAJET

Berilgen sadaqa bereketke sebep bolady, sondaı-aq keler bále-jalanyń betin qaǵady. Meıirimdi bolǵan adam kópshiliktiń mahabbatyna hám dúnıe, hám aqyrettte qurmetke bólenedi. Paıǵambarymyz (s.a.ý.): «Sadaqa bergennen dúnıe-múlkiń kemimeıdi. Alla qulynyń qadirin meıirimdi bolǵany úshin arttyrady. Haq taǵala aldynda kishipeıil bolǵan bir múmınniń qadirin Alla taǵala, álbette, kóteredi»- degen.

Sadaqa bergende januıasy, balasy, qyzmetshileri, jaqyn dostary nemese kim bolsa da bergenin buldap, basqaǵa bıikten qaramaý kerek. Baqara súresiniń 264- aıatynda buldap, mindetsinip jasalǵan, dinge qaıshy ispen jasalǵan jaqsylyqtyń ıesine paıda bermeıtindigin bildiredi. Tápsirde: «Eı, múmınder, bergen sadaqalaryńnyń saýabynan mindetsip, buldap mahrum qalmańdar.

Bulaı berilgen sadauanyń qarymtasy bolmaıdy. Allaǵa jáne aqyret kúnine senbeı dúnıesin basqalarǵa maqtanyshpen, rııamen shashqan adamnyń isi de munafyqtyń sadaqasy sııaqty bosqa ketedi. Búnyń hali jaltyr tastyń ústine túsken azǵantaı topyraqtyń qatty esken jańbyrly daýyldan ushyp ketkenindeı bolady. Mine, bundaı sadaqa jaltyr tastyń ústine sebilgen tuqymdaı bosqa ketedi.

Imany bolmaı, sadaqasyn rııamen, buldap bergender jasaǵan bul amaldarynan eshqandaı paıda kórmeıdi, saýabynan mahrum qalady. Sondyqtan jasalatyn bir jaqsy is, beriletin sadaqa shynaıy nıet jáne durys ıtıqatpen bolý kerek. Mindetsinýden, kóńilge keletin sózden, dandaısyp tákapparlanýdan alys bolý kerek.

Alla rızalyǵy úshin árkimge sypaıy, qarapaıym bolǵan bir musylman úlken qurmetke ıe bolyp, eki dúnıede de úlken mártebege qaýyshady. Osylaısha osy syndy kórkem minezderi arqyly ómirin órnekteı bermek.