QOLUShYN BERÝ, MEIIRIMDILIK TANYTÝ
«Múminderge óte meıirli, kishipeıil bol». («Hıjr» súresi, 88-aıat).
«Sabyrlylyq tanytyp, jan-tánimen Rabbylarynyń razylyǵyn qalap erteli-kesh duǵa etetindermen (qarapaıym múmindermen) birge bol (Olardan dáýleti asqan, dárejesi artyq áldekimderge kóńiliń aýyp), olardy kózge ilmeı qoıma». («Káhf» súresi, 28-aıat).
«Jetimdi basynba, qaıyr-sadaqa suraǵanǵa zekip, uryspa». («Duha» súresi, 9-10-aıattar)
«Dindi jalǵanǵa shyǵarǵandy kórdiń be? Ol – jetimdi janynan qýatyn, joq-jitikti tamaqtandyrmaıtyn ári ózgeni de (jaqsylyq jasaýǵa) qulshyndyrmaıtyn adam». («Maǵýn» súresi, 1-3-aıattar).
– HADIS: Sáhl ıbn Saǵdtan (r.a.) jetken hadıste:
«Alla elshisi (sallallahý aláıhı ýá sállám): «Jumaqta jetimge qamqorshy bolǵan adamǵa osynshama jaqyn bolamyn», – dep, suq saýsaǵy men ortańǵy saýsaǵynyń arasyn ashyp kórsetti» – delingen. (Buharı, ádáb 24).
-HADIS: Ábý Hýraıradan (r.a.) jetken hadıste:
«Alla elshisi (sallallahý aláıhı ýá sállám): «Muqtaj adam dep (50), bir-eki qurma nemese bir-eki túıir tamaq úshin qol jaıyp júrgen adamdy emes, muqtaj bola tura, abyroıyn saqtap, eshkimnen qaıyr tilemegen adamdy aıtamyz», – dep aıtty» – delingen. (Buharı, táfsırý sýra 2/48; Mýslım, zákát 102).
