Qazaqstandyq jańa ıslamdyq tólem kartasy
Jaqyn arada Sharıǵat qaǵıdalaryna sáıkes keletin jańa ıslamdyq tólem kartasynyń shyǵýy jaıly aqparat qarjy naryǵynda keńinen tarady. Bul qandaı karta, onyń qundylyǵy nede, artyqshylyqtary qandaı ekenin Al Saqr Finance-tyń korporatıvtik damý jónindegi basqarýshy Dırektory Dýman Nýrbaev baıandaıdy.
– Dýman myrza, kompanııa jaıly jáne de sizder bastaýshy bolyp tabylatyn ıslamdyq tólem kartasyn shyǵarýdaǵy ıdeıa jaıly kishigirim aıtyp berińizshi.
Al Saqr Finance – bul lızıng naryǵynda 18 jyldan astam damý tarıhy bar kompanııa. 2016 jyly dástúrli lızıngtik kompanııadan ámbebap ıslamdyq qarjy kompanııasyna aınalýǵa sheshim qabyldandy. Komandanyń joǵary deńgeıdegi kásibıligi men birlesken is-áreketteriniń nátıjesinde konvertatsııa az ǵana ýaqyt ishinde jáne de syrtqy keńesshilerdiń kómeginsiz júzege keremetteı asty. Bul otandyq naryqtaǵy birden-bir oqıǵa. Sonymen qatar, Kompanııanyń ıslamdyq qarjylandyrý qaǵıdalary boıynsha Keńesi retinde Bahreınde ornalasqan Shariyah Review Bureau kompanııasy tańdaldy. Olar óz kezeginde ıslamdyq qarjylandyrý salasynda halyqaralyq deńgeıde úlken tájirıbesi bar keńesshiler.
Kompanııa 2017 jyldyń basynda ıslamdyq qarjylandyrýǵa sáıkes lızıng túrin usyndy. Klıentter tarapynan osy ónimge jáne jalpy ıslamdyq qarjy ónimine tanytqan qyzýǵýshylyǵyn ańǵarǵan biz Kompanııanyń ónim jelisin ári qaraı keńeıtýge sheshim qabyldadyq. Bizdiń oıymyzsha, halyq arasynda bólshek saýda ónimderinen eń kóp taralǵany ári túsiniktisi ol – tólem kartalary.
Shynymen, tólem kartalary zamanaýı adam ómiriniń ajyramas Elementi bolyp tabylady. Olar turaqty túrde jańartylady, naryqta jańa ári mobıldi tehnologııalar men sheshimderdiń paıda bolýy baıqalady. Qazaqstan Respýblıkasy Ulttyq Bankiniń statıstıkasy boıynsha 2019 jyldyń 1 qańtaryna 23,4 mln. tólem kartalary shyǵarylǵan.
Islamdyq tólem kartalaryn shyǵarý ıdeıasyn bastaı otyryp, halyqqa ıslamdyq qarjylandyrýdyń erekshelikteri men artyqshylyqtaryn kórsetkimiz keldi jáne ıslamdyq qarjy týraly birqatar mıftardyń seıilgenin qaladyq. Bankpen birge kobrendıngtik ónim shyǵarý bizdiń alǵashqy tájirıbemiz emes. Sol sebepti bizdiń kelesi qadamymyz ıslamdyq tólem kartasyn shyǵarý úshin óte senimdi seriktes-bankti tabý boldy.
Seriktes-bankti tańdaýda alǵa qoıylǵan talap ol - joǵary sapadaǵy qyzmet kórsetýi jáne qarjy ınstıtýtynyń senimdiligi. Osy jyldyń qańtar aıynda Al Saqr Finance kompanııasy ForteBank-pen seriktestik jaıyndaǵy Kelisimge otyrdy. ForteBank aktıv kólemi boıynsha Qazaqstadaǵy eń iri úsh banktiń qataryna kiredi, ótimdiligi jáne kapıtaldaný deńgeıi boıynsha jetekshi oryndarda tur. ForteBank ekinshi jyl qatarynan The Banker halyqaralyq basylymnyń «Qazaqstandaǵy jyl Banki» syılyǵynyń ıegeri.
– Dýman, ForteBank-pen birge jańadan ıslamdyq tólem kartasyn shyǵarý jobasy jaıly tolyǵyraq aıtyp bere alasyz ba.
Bilip júrýlerińiz úshin habarlaımyz: karta qoldanýshylary taýar men qyzmetterge tólep, ár satyp alýdan 1%-ǵa deıin cashback ala alady. Budan basqa, Kompanııa beıildilik baǵdarlamasyn da qarastyryp qoıdy. Bul degenimiz siz 15%-ǵa deıingi kóterińki cashback-ke ıe bola alasyz. Osymen qatar, aqysyz negizde sms-habarlandyrý optsııasy, ınternet arqyly saýdany iske asyrý, bir kartadan ekinshi kartaǵa aýdarma jasaý jáne taǵy da basqa qyzmetter qoljetimdi. Osynyń bárin eskere otyryp, kartany basqarý qolaıly bolý úshin klıentterge ınternet jáne mobıldi bankıng qyzmeti usynylady.
Osyndaı ónimniń damýy kartalyq qyzmettiń jańa alańyn qurýǵa múmkinshilik týǵyzady ári Qazaqstandaǵy iri qarjy ınstıtýttardyń qoldaýyna ıe bolady dep kirshiksiz senemiz.
– Osyndaı ıslamdyq tólem kartalarynyń dástúrli tólem kartalarynan basty aıyrmashylyǵy jáne artyqshylyǵy nede?
Basty aıyrmashylyǵy – tólem karta Shariyah Review Bureau (Bahreın) Sharıǵat keńesimen tolyqtaı maquldanǵan.
Onymen qosa, bank klıentterdiń kartasynda qalǵan aqsha qarajatyn paıyzdyq tabys qurýǵa paıdalanbaıdy. Bul shart mindetti túrde Kompanııa jáne de bank arasyndaǵy seriktestik jaıly Kelisimde tıisti normalarmen bekitilgen.
Islamdyq tólem kartalardyń dástúrli kartalardan taǵy da bir basty aıyrmashylyǵy – ıslamdyq kartany Sharıǵatqa sáıkes kelmeıtin oryndarda qoldanýǵa tyıym salynǵandyǵy. Mysaly: ishimdik jáne shylym ónimderin satýǵa mamandandyrylǵan dúkenderde, barlar men túngi klýbtarda, oıynhanalarda, býkmeker keńselerinde jáne t.b.
Aldaǵy ýaqytta karta qyzmetine qaıyrymdylyq optsııasyn iske qosý josparlanýda. Iaǵnı, klıenttiń qalaýy boıynsha satyp alýdan bolǵan cashback-ti qaıyrymdylyq qoryna baǵyttaýǵa múmkinshilik týady. Bundaı jumysty iske asyrý belgili bir ýaqytty alatynyn bilsek te, qaıyrymdylyq jasaý mádenıtin taratyp, ony sapaly deńgeıde atqarýǵa bolatynyn kórsetýge asyqpyz.
ForteBank-pen birlesken jobanyń sózsiz artyqshylyǵy – jańa ıslamdyq kartalaryna tapsyrys berý men aparyp berý qyzmetiniń jeńil bolýy. Bizdiń goislamic.kz saıtymyz arqyly kartaǵa onlaın tapsyrys berilse, ol jedel túrde klıentke qolma-qol jetkiziledi.
– Kompanııa taǵy da qandaı qyzyqty jobalarǵa qatysady? Aıtyp berińizshi.
– Jýyrda Kompanııada Sharıǵat keńesimiz tarapynan jyl saıynǵy Sharıǵat aýdıti ótkizildi. Sharıǵat keńesshilerdiń aýdıtiniń qorytyndysy boıynsha Kompanııamyzdyń qyzmeti Sharıǵat qaǵıdalary men normalaryna tolyqqandy sáıkes dep tanyldy.
Kompanııamyzdyń birqatar áleýmettik jáne qaıyrymdylyq bastamalardyń qatysýshysy ekenin de erekshe atap ótkimiz keledi.
2018 jyldyń 21-shi qyrkúıeginde Qazaqstan musylmandary dinı basqarmasy men «Ýaqyp» qaıyrymdylyq qorymen birlesken aǵartýshylyq jobany iske asyrdyq. Jobanyń ataýy: jumalyq ýaǵyzdardy (hýtbalardy) úsh tilde (memlekettik, oryssha jáne aǵylshynsha) onlaın translıatsııalaý. Bul bastamanyń basty ereksheligi – kez-kelgen adamnyń jumalyq ýaǵyzdardy ózine yńǵaıly tilde Kompanııanyń saıty arqyly (www.alsaqr.kz) tyńdaýǵa múmkinshiligi barynda.
Sondaı-aq, «Chartered Institute for Securities&Investment (CISI)» jáne Lıvan Ortalyq banki birlese oılap tapqan aǵartýshylyq jáne kásiptik «Islamic Finance Qualification (IFQ)» baǵdarlamasyn ótkizýde «Astana» halyqaralyq qarjy ortalyǵy jáne «Damý» qorymen birlese otyryp qatysýdamyz. Bul óz kezeginde halyq arasynda ıslamdyq qarjy salasynda saýattylyqty arttyrýǵa óziniń úlken lebin ákelýde.
– Aldaǵy josparlaryńyz jaıly aıtyp beresiz be?
– Shaǵyn jáne orta bıznes ónimderi boıynsha alǵa qoıǵan úlken josparlarymyz bar. Túrli qarjy ónimderi aıasynda klıentterge paıda bolatyn, al eń bastysy bizdiń aımaqta Etıkalyq qarjynyń damýyna yqpal etetin jańashyl ıdeıalar men ınnovatsııalardy usynýǵa talpynamyz.
Islamdyq tólem kartalaryn ekinshi deńgeıdegi banktermen birlese otyryp shyǵarý jobasyn ári qaraı damytý - Qazaqstan aýmaǵynda ıslamdyq qarjyny túsindirip taratýǵa jaqsy jaǵdaı jasaıdy dep senemiz.
Bizdiń Kompanııa áleýmettik, aǵartýshylyq baǵdarlamalardyń tıimdiligin arttyrý jáne de Sharıǵat normalaryna saı keletin ınnovatsııalyq qarjy jobalaryn iske asyrý maqsatynda áleýetti seriktestermen dıalog qurýǵa árdaıym daıyn ekenin de habarlaımyz.
