QASIETTI RAMAZAN AIYNYŃ ABZALDYǴY
Ardaqty paıǵambarymyz (Oǵan Allanyń ıgiligi men sálemi bolsyn) bylaı dedi: «Kimde-kim qasıetti Ramazan aıynda bir zikir májilisine qatyssa Alla Taǵala ol kisiniń májiliske baryp-qaıtqan árbir adymyna bir ǵıbadat saýabyn jazady jáne ol kisi qııamet kúni menimen birge Uly Arshtyń astynda bolady.
Kimde-kim qasıetti Ramazan aıynda namazdaryn jamaǵatpen oqıtyn bolsa Alla Taǵala ol kisige oqyǵan ár rákaty úshin Jánnatta nurdan bir shahar ıhsan etedi (syılaıdy).
Kimde-kim bul aıda qolynan kelgenshe ata-anasyna jaqsylyq jasasa Alla Taǵala ol kisige rahmet nazarymen qaraıdy jáne men de oǵan kepil bolamyn.
Kimde-kim qasıetti Ramazan aıynda bir musylmannyń muqtajdyǵyn sheship berse Alla Taǵala onyń myń muqtajdyǵyn sheship beredi. Kimde-kim bala-shaǵaly bir kedeıge sadaqa berse Alla Taǵala oǵan mıllıon saýap jazady, onyń mıllıon kúnásin keshiredi jáne onyń dárejesin mıllıon satyǵa kóteredi.
Kimde-kim musylman baýyrynyń muqtajdyǵyn óteý úshin úıinen shyqsa, shyqqan jerine qaıta oralǵansha Alla Taǵala ol úshin árbir adymyna jetpis saýap jazady jáne jetpis kúnásin óshiredi.
Hazreti Imam Rabbanı (q.s) bylaı dedi: «Kim bul aıda haıyrly, salıqaly amal jasaýda jetistikke jetse, mýaffaq bolsa ol kisi jyl boıy haıyrly amal jasaýda jetistikke jetedi. Bul aıdy retsiz, qalaı bolsa solaı ótkizse jyl boıyn solaı ótkizedi. Bul aıdy múmkindik dep qabyldap, barynsha rýhanı jaqtan damyp-jetilý úshin qaırat-jiger kórsetý qajet».
Ardaqty paıǵambarymyz (Oǵan Allanyń ıgiligi men sálemi bolsyn) aýyzashar ýaqtynda myna duǵany oqıtyn: «Záhábáz zámáá-ú, ýábtállátıl ‘ýrýýqý, ýá sábátál ájrý ın sháá Allahý Taalá».
Bul aıda taraýıh namazyn oqý, Quran kárimdi hatym etý – kóptegen paıda men saýap enshileıtin súnnet-i mýákkádá amaldardan. Alla Taǵala bizderdi habıbi pıaǵambarymyzdyń qurmetine bul amaldardy jasaýda mýaffaq qylsyn.
