Paıǵambarymyzdyń (s.ǵ.s.) shash kútimi

Alla elshisi (s.ǵ.s.) óziniń úmmetterine: «Kimniń shashy bolsa, oǵan kútim jasasyn», – degen. Kútim dep jýyp, tarap, túrli maılar jaǵýdy meńzegen. Al, ózi shashyna záıtún maıyn jaǵyp, ony jumsaq juqa matamen orap qoıǵan. Záıtún maıy shashty qajetti dárýmender men mıkroaǵzalarmen qorektendirip, qaıyzǵaqtyń paıda bolýyna jol bermeıdi.

Paıǵambarymyz (s.ǵ.s.), sondaı-aq, balqaraǵaıdyń (kedr) japyraǵyn shashyn jýǵanda jáne jýynǵanda qoldanǵan.

Ǵalymdardyń zertteýi boıynsha, balqaraǵaıdyń japyraǵynan, tikeninen jasalǵan untaq ınfektsııalyq aýrýlar men mıkrobtardan qorǵap, qantamyrlardy nyǵaıtady. Aǵzadaǵy túrli mıkrobtardy joıady.

Alla elshisiniń (s.ǵ.s.) shash kútimine qoldanǵan taǵy bir quraly – jalbyztiken (tsvetok Alteıa) bolǵan. Bul ósimdiktiń quramyndaǵy maılar shashty nyǵaıtyp, jumsartady.

Aqqańbaq ta (gıpsofıla, kachım) – Alla elshisiniń (s.ǵ.s.) shash kútimine qoldanǵan ósimdigi. Ardaqty Aısha (r.a.) anamyzdyń rıýaıaty boıynsha, Paıǵambarymyz (s.ǵ.s.) qajylyqta ıhramdy kıerde shashyn aqqańbaq qosylǵan sýǵa jýyp, záıtún maıymen súrtken.