PAIǴAMBARYMYZ (S.A.Ý.) -DYŃ DINGE ShAQYRÝY
Paıǵambarymyz (s.a.ý.) bylaı deıdi: «Jıhad tórt mártebe; Maǵrýfty (dinniń ádemi sanaǵanyn) buıyrý, múnkárdan (dinniń burys kórgeninen) tyıý, sabyr qajet etken jerlerde durystan aınymaý, azǵyndardy (kúnásiniń kesirinen) jek kórý, jaý bolý». (Múnáýı, «Fáız ýl-Qadır»)
Abdýlla ıbn Abbastan (r.a.) bylaı jetken: «Habıbim, eń jaqyn qaýym men rýdy (Allanyń azabymen) qorqyt» degen maǵynadaǵy (Shuǵara súresi, 214 aıat) aıat túskende Rasýlýlla (s.a.ý.) úıinen shyǵyp, Safa taýyna jáne úıilgen tas úıindisiniń janyna bardy. Bıik jartastyń ústine shyqty. Sosyn «Ýa, Quraısh! Munda kelińder, jınalyńdar! Úlken jumysqa jolyqtyńdar» dep daýystady». Quraısh taıpalaryn Ýa, Fahrı urpaqtary! Ýa, Adıı urpaqtary! (Ýa, Abdýmanaf uldary, ýa Abdýlmuttalıp uldary) dep jeke-jeke shaqyra bastady.
Paıǵambarymyzdyń (s.a.ý.) bul shaqyrýyn estigender bir-birine: «Bul jar salǵan kim?» dep surady. Sosyn bir-birine: «Muhammed qoı» dep jaýap berdi. Ábý Láhábpen birge barlyǵy kelip Paıǵambarymyzdyń (s.a.ý.) aınalasyna jınaldy. Bara almaǵandar bul shaqyrýdyń mánin túsiný úshin adam jiberdi. Sosyn Paıǵambarymyz (s.a.ý.) jalpyǵa qarap: «Ýa, Quraısh jamaǵaty! Alladan ózderińdi (ǵıbadat, qulshylyq arqyly) satyp alyp (Onyń azabynan) qutylyńdar. Bul azaptan qutylýlaryń úshin men Alla tarapynan berilgen eshbir qudiretke ıe emespin» dedi.
Osy jalpyǵa aıtylǵan sózden keıin Quraısh rýlaryn jeke-jeke attarymen atap sol eskertýdi aıtty. Sosyn: «Ýa, Quraısh jamaǵaty! Men senderge myna taýdyń eteginde nemese myna ańǵarda dushpan attylary bar. Senderge shabýyldaıdy desem senesińder me?» dep surady. Olar: «Iá, senemiz! Óıtkeni seniń tek aqıqatty aıtatynyńdy tájirıbemen kórdik. Ótirik aıtqanyńdy esh kórmedik» dedi.
«Onda men senderge alda aýyr azap kúni bar ekenin, mújrımder ol ýaqytta azaptalatynyn habar berýshimin jáne ol azaptan senderdi tyıýǵa mindettimin» dedi. Sosyn:
«Ýa, Quraısh jamaǵaty! Menimen senderdiń uqsastyǵymyz mynaǵan uqsaıdy: Ol adam jaýdy kórip otbasyna muny habarlap olardyń jaý shabýylynan qutqarý úshin otbasyna júgiredi. Dushpannyń ózinen buryn otbasyna barýynan qorqyp «Jaý shapty» dep aıqaılaı bastaıdy.
