Paıǵambarmen qalaı dos bolýǵa bolady?

Rabıa ıbn Qaǵyb ál-Áslamı (r.a.) áńgimeleıdi:

Ardaqty paıǵambarymyzǵa (s.ǵ.s.) dáret sýyn jetkizip berip, basqa da qolǵabystar jasaıtynmyn. Bir kúni: «Tilegiń bolsa, maǵan aıt», – dedi. «Sizdiń jaqyn dosyńyz bolǵym keledi», – dedim. «Osyny ǵana suraısyń ba, basqa eshqandaı tilek aıtpaısyń ba?» – dedi. Men tek osyny ǵana qalaıtynymdy aıttym. Sonda Alla elshisi: «Onda óziń úshin kóp sájde jasap, maǵan kómektes», – dedi.

Bul oqıǵadan mynany túsinýge bolady: basqadan suraǵan iste óziń de qolyńnan kelgenshe úles qos, sonda suraǵan nárseniń shynaıy baǵasyn bilesiń. Paıǵambarǵa (s.ǵ.s.) eki dúnıede dos bolǵysy kelgen adam kóp sájde jasaýdy ádet etip, sájdede Jaratýshy Iege kóp duǵa etýi tıis. Zor maqsattardy zor mashaqattarmen ǵana baǵyndyrýǵa bolatynyn eskergen jón.