OILANYP SÓILESEK!..

Din tazasyn dinnen izde

Din shataǵyn synǵa sal

Anyq aına ózińizde,

Aıda aqyldy qattyraq! (Shákárim)

Áleýmettik jelidegi keıbir ýaǵyzdardy tyńdap kózi ashyq jigitter ártúrli saqqa júgirtip jatady. Ásirese o dúnıe taqyrybynda aıtylǵan ýaǵyzdarda baryp kelgendeı sóıleıtinder bar.

Mysaly osy dúnıede araq iship, ne zına jasap o dúnıede jumaqqa barǵan jaǵdaıda perishteler sen sharapty dúnıede iship qoıǵansyń saǵan jumaqtyń sharaby berilmeıdi, bolmasa zınany dúnıede jasaǵansyń saǵan hor qyzdary berilmeıdi degendi aıtyp otyrǵandar da bar.

 Al paıǵambar: «Alla Taǵala: «Men izgi quldaryma kózdiń kórmegen, qulaqpen estimegen, eshbir pendeniń oıyna kelmegen nyǵymetter ázirledim» (Buharı, Táfsir 32: 1) degenin jetkizedi.

Quranda: «Jasaǵan izgilikteriniń aqysy retinde ózderine kóz qýanyshy bolatyn qandaı syılyqtyń ázirlengenin bile almaıdy!» (Sájde súresi) delinedi.

Olaı bolsa O dúnıedegi nyǵymetter bizdiń aıtyp júrgenimizden múlde basqa degen sóz. Ári biz osy dúnıelik sanamen ǵana o dúnıeniń nyǵymetterin elestetýge tyrysamyz. Araq sharap, qyz-qyrqyn degendeı!

Shákárim Qudaıberdiuly:

Peıish, tozaq molda aıtqan sııaqty emes,

Aqyldy adam ony anyq sondaı demes.

Qursaqtaǵy balaǵa osy ómirdi,

Uqtyr dese, aıtar eń qandaı keńes?!

Sol sııaqty mysal ǵoı uqtyrýǵa,

Dás osyndaı qyz qushyp, jemis jemes.

Biraq qatty qýanysh ne keıis bar,

Dálelim – ujdan, zulym bar teteles!- deıdi.

Olaı bolsa ýaǵyzshylardyń sapyryp júrgeni dindegi keıbir mátinderdi býkvalıstik túsinip, bolmasa «ustazdarynyń» aıtqanynan shyǵa almaı aıtyp júrgen armany.

 Áıtpese jumaqqa barǵan adamǵa sen dúnıede ishkensiń dep sharap berilmeıtin bolsa onda onyń kúnálarynyń keshirilgendigi qaı jaǵynda, problema sezinetin bolsa onyń qaı jeri jumaq?!

 Dúnıedegideı adamnyń oılaıtyny qyz ben tamaq bolsa onda onyń nesi raqat?!

 

Keńshilik TYShHANULY