OTBASYLYQ QUPIIaŃDY JARIIa ETPE!

Musylman balasy áıelimen aradaǵy áńgimeni, is-áreketti nemese jubaıynyń bir kemshiligin ıakı dinimiz boıynsha aıtylmaýa tıis jaqsylyǵy, ádemiligi bóten adamdardyń kózinshe aıtpaý kerek. Al aıtqan adam qııamet kúni Alla Taǵala aldynda dáreje jaǵynan jurttyń eń nashary, ári amanatqa eń zor qııanat jasaǵan adam kúıinde bolady. Sondyqtan ondaı syrdy jarııa qylý – haram.

Paıǵambarymyz (s.a.ý.) qııamet kúni Alla Taǵala aldynda dárejesi eń jaman bolatyn adamdardyń biri áıelimen jubaılyq qatynasta bolyp, sosyn ony bóten jurtqa aıtqan adam bolatynyn bildirgen.

Basqa bir rıýaıatta ol adamnyń Alla Taǵala aldynda amanatqa eń úlken qııanat jasaǵan adam ekendigi bildiriledi.

Úlken ǵulama Ibn Málák (rah.) aıtqan: “Eri men áıeliniń biriniń sózi nemese isi ekinshisine amanat. Biriniń bóten bireýge aıtylǵanyn orynsyz, teris kórgen nársesin ekinshisi jarııa qylatyn bolsa, oǵan qııanat jasaǵany”.

Rasynda Alla Taǵala Nısa súresiniń 148-shi aıatynda -maǵynasy-: “Alla ashyq aıtylǵan kóńilge daq túsiretin sózdi esh unatpaıdy...” deıdi.

Tabıǵın Ahnáf ıbn Kaıs (rah.), “Dos-jardyń arasyndaǵy áńgimede jubaılaryń, ishken-jegenderiń jaıly sóz qylýdan saqtanyńdar. Adamǵa jamandyq retinde osy ekeýin sóz etýdiń ózi jetkilikti” degen.

Baıaǵyda bireý dosyna “Áıelimnen ajyrasqym keledi!” depti. Dosy “Sebebi ne?” dep surapty. Ol “Áıelimniń kemshiligin sizge qalaı aıtam?” depti. Ajyrasqannan keıin taǵy surapty. “Ol endi maǵan bóten. Bóten bireýdiń aıbyn aıta almaımyn” dep jaýap bergen eken.

Ibnúl-Arabı bylaı degen eken: “Nápsiniń eń úlken keseliniń biri –ras bolsa da- árbir sózdi kez kelgen jerde aıtýǵa umtylysy. Al munyń emi árbir sózdi aıtylatyn eń laıyqty jerin bilip, sol jerde aıtý”.