OTBASY
Otbasy – shaǵyn memleket. Er men áıeldiń odaǵy, berik qamal. Ár otbasynyń ózine tán dástúri, salty, syrtqa kóp dabyra qylmaıtyn ishki qupııalary bolýy tıis. Oǵan syrttan kelip eshkimniń shı júgirtip, qol suǵýǵa quqy joq. Ókinishke oraı biz otbasy máselesine jıi aralasatyn bolyp kettik. Teledıdardan kórsetilip jatqan túrli deńgeıdegi tok shoýlar, áleýmettik jelidegi talqylar. Bul syrttan juqqan dert. Bizdiń ulttyq mentalıtetimizge jat ári ersi dúnıe.
Ol azdaı tus-tustan kelip jatqan túrli sheteldik uıymdardyń da bizdiń otbasylyq qundylyqtarymyzǵa qol suǵa bastaýy alańdatady. Buǵan abaı bolyp, jol bermeýimiz kerek.
Otbasy – árkimniń ıntımdik ishki máselesi, oǵan syrt kóz bylaı tursyn jaqyn týystary da kirise bermegen.
Otbasy bolǵan soń ydys-aıaq syldyrlamaı turmaıtyny taǵy ras.
Ertede qyz-kúıeýiniń janjalynyń ústinen túsken qaıyn atasy:
- Balam, qyzyma nege ursasyń? – deıdi ǵoı.
Kúıeý balasy:
- Aqsaqal, sizden ketken, bizge jetken. Uryssam óz qatynym, synsa óz tabaǵym...
Sonda atasy:
- Qap, kári qaqpas, ózime de obal joq. Saýap boldy, - dep teris burylyp júrip ketipti.
Buǵan kúlmeı kerisinshe ǵıbrat alýymyz kerek.
Iá, erli-zaıyptylardyń arasyna esi ketken túsedi. Osyny aıtqan bizdiń babalarymyz – danyshpan!
