ORAZANYŃ PAIDALARY

Paıǵambarymyz (s.a.ý.) bylaı deıdi: “Oraza ustaýshynyń uıqysy qulshylyq, úndemeýi tásbıh. Amalynyń qarymy eselenip beriledi, duǵasy qabyl bolady jáne kúnálary keshiledi”. (Báıhaqı, Shýǵab ýl-ıman)

Iship-jegendegi maqsat ómir súrip, qulshylyq úshin kúsh jınaý. Asqazandy nyǵarlaı toltyrý osy eki maqsatqa kedergi. Olaı bolsa, (maǵynasy) “(Allanyń ózderińe bergen nyǵmetinen) iship-jeńder biraq, ysyrap qylmańdar” (Aǵraf súresi 31 aıat) degen aıatta aıtylǵandaı, izgisi as-aýqatta shamany saqtaý.

Oraza men asqazandy barynsha toltyrmaýdyń keı paıdalary mynadaı:

Asqazandy toltyrǵannan paıda bolatyn ish ótý oı-sanany jaýlaıtyn sezimde  aıtarlyqtaı teris áser beredi. Sosyn júrekke salmaq túsiredi. Oı-sezimdi baıaýlatady. Al oraza júrekti jeńildetip, oı qýatyn kúsheıtedi.

Árbir musylmannyń zikir etýi kerek. Al muny júrek tynyshtyǵymen isteý asqazannyń bos bolýyna baılanysty. Asqazan bos kezde jasalǵan júginistiń lázzaty men áseri kúshti bolatyny barshaǵa málim.

Toqshylyqtan paıda bolatyn astamshylyq pen beıǵamdyqty joıatyn jáne pendeniń álsizdigin kórsetetin nárseniń eń bastysy oraza. Óıtkeni oraza kezinde seziletin kishiktik pen júrektiń jumsaqtyǵy adam boıynan eshqashan ondaı dárejede baıqalmaıdy. Adamnyń ılahı kesir men azapty oılap, bálege ushyraǵandardy eske alýdyń izgiligi, tek bálekettiń eń jamany ashtyq kezinde tolyq kórinedi.

Alla Taǵalanyń rızashylyǵyn alý úshin ustalatyn orazada nyǵmetterdiń eń mańyzdysy báleketke sebep bolatyn nápsiniń qulqynyn basý bar. 

Kóp jeý kóp ishýge, kóp ishý kóp uıyqtaýǵa, al kóp uıyqtaý qadirli ómirdi paıdasyz ótkizýge sebep bolady. Ýaqytyn zikirmen ótkizgisi kelgen musylmannyń ustaǵan orazasy bolsa, osylarǵa jol bermeıdi.

Qysqa qaıyrǵanda, adam tek as ishý turǵysynda ǵana emes, dúnııaýı kez kelgen talap-tilegin tárbıeleý máselesinde de shamany saqtaý kerek.