OL EShQAShAN JALǴYZ BOLMAIDY
Qudaıdy dosym dep biletin adam, osy dúnıede de, kelesi dúnıede de, jalpy dúnıede eshqashan jalǵyz bolǵan emes, jalǵyz bolmaıdy da.
Meıli ol kóp arasynda bolsyn, meıli jalǵyz bolsyn, syrtqy álemdi baıqamaı uıyqtap jatsa da, oıaý ári sergek bop, ony baıqaı alsa da, onyń únemi aralasatyn adamy bolady. Qandaı jaǵdaıda bolsa da dosy onyń oıynda, kókeıinde, onyń júregi men janynda bolady. Onyń júregi ishtegi syrttaǵy barlyq sulýlyqqa oıanǵan.
Qudaıdy Súıiktisine aınaldyrǵan adamǵa, - odan artyq ne kerek?
Barlyq bar bop turǵan zat ózin ózi ashyp, ol úshin sóılep turady, ol úshin barlyq nársede - kózge qýanysh bar, óıtkeni Qudaısyz jer joq, ol barlyq esimde, barlyq formada, sondyqtpn onyń Súıiktisi eshqashan joq bolyp ketpeıdi.
Súıiktisi únemi janynda bolǵan adam qandaı baqytty, óıtkeni ómirdegi apattyń bári Súıiktisin joǵaltqan sátte bastalady, al onyń Súıiktisi únemi onymen birge: ol kózin japsa da ol ishinde otyr, kózin ashsa da - janynda. Ol Súıiktisin janynda sezingeninde, kózderi tek sony kóredi jáne qulaqtary tek sony estıdi.
Adam balasy osyny oryndaýǵa kelgende, ol únemi janynda Qudaıdyń bar ekenin sezedi, sonda oǵan ımannyń túrleri men formalary, ıman senimderi jáne onyń jamaǵatynyń mańyzy joq.
Ol úshin Qudaı - barlyq nársede, ol úshin Qudaı - barlyq jerde.
Meıli ol hrıstıan shirkeýine, sınagogaǵa nemese býdda hramyna, áıtpese ındýstardyń kıeli oryndaryna nemese musylmandardyń meshitine barsyn - sol jerlerde Qudaıdy tabady.
Shól dalada, ormanda, top ishinde - barlyq jerde ol Qudaıdy kórip turady.
Ishki ómir degen kózińdi jaýyp óz ishińe úńilý ǵana emes. Ishki ómir degen ishke nemese syrtqa qarasań da, barlyq jerde tek ózińniń Súıiktińdi kórip turý.
Biraq mahabbatyńnyń dárejesi joǵary kóterilmeıinshe Qudaıdy Súıiktiń etip qoıýǵa bolmaıdy.
Dushpanyn jek kóretin jáne dosyn jaqsy kóretin adam áli Qudaıdy jaqsy tanymaǵan, sondyqtan ol Qudaıdy Súıiktim dep aıta almaıdy.
Mahabbat tolyq óz bolmysymen kelgeninde, dosyna jekkórinishpen, dushpanyna keshirimmen, beıtanys adamǵa - qyzyǵa qaraıdy,
Bul súıispenshilik óziniń tolyqqandy deńgeıine kóterilgende bildiriletin barlyq jaǵynan súıispenshilik jáne tek mahabbattyń tolyqtyǵy Qudaıǵa usynylýǵa laıyq. Tek sonda ǵana adam Qudaıdan óz Súıiktisi men Idealyn tanyǵanynda, osy arqyly ol bul dúnıeniń tapr yqylastarynan joǵary kóterilse de, tipti jaýyn da súıýdi shynaıy biledi.
Súıispenshiliktiń tolyq deńgeıine kóterilip, mahabbatty Qudaıdy súıgen adam ǵana biledi.
Rýmı, Hafız jáne Jámı sııaqty uly aqyndar parsy tilinde baıandaǵan sopylyq ádebıettiń búkil beıneleri adamnyń ǵashyq retindegi jáne Qudaıdyń súıikti retindegi qarym-qatynasyna qatysty jáne ony túsinip oqyp, osyndaı táýeldilik paıda bolady, sodan keıin ol mıstıkanyń qandaı sýretter salynǵanyn kóredi jáne olardyń júregi qandaı kóńil-kúıge keletinin sezinedi.
Adam balasy júregine Qudaıǵa degen mahabbatty ornatý ońaı emes, sebebi eger ol óz súıiktisin kórip, tanyp turmasa, súıe almas edi. Qudaıdy súıý úshin, ol jaqsy sezilip turýy kerek, eger adam mahabbattyń osy dárejesine jetse, ol sol kezde bar peıilimen rýhanııattyń dańǵyl jolyna túsip, saıahatqa attanady.
Hazrat Inaıat Han
aýdarǵan Júrsin KÁRIM
