«Namazdy sol jerden úzsem be eken?!»

Bir kúni Ibn Másǵýd (r.a.) Alla Elshisiniń (s.a.s.) nápil namaz oqyǵanyn kórip, baıqatpastan artyna uıı qalady. Bul oqıǵany ózi bylaı baıandaıdy: «Namazǵa tura qaldym. Bar bolǵany eki rákat namaz edi, biraq Alla elshisi namazda búkil dúnıeni umytqandaı kúı keshti.

«Baqara» súresin bitirgende, rýkýǵqa baratyn shyǵarmyz dep oıladym. Ol  «Álı Imran» súresin qosa oqı bastady. Bitken kezde «Endi rýkýǵqa baratyn shyǵarmyz» dep kóńilim baıyz tappaı tur edi, artynsha «Nısa» súresin bastap ketti. «Nısadan» keıin «Máıda» súresin tolyq oqyp baryp, rýkýǵa ıildi. Alǵashqy rákattyń ózinde-aq osy tórt súreni, ıaǵnı Qurannyń 124 betin oqydy. Sol ýaqytta maǵan bir oı  keldi.

Janynda otyrǵan sahabalar tańyrqap: «Ol qandaı oı?» – dep surady. Sonda Ibn Másǵýd (r.a): «Namazdy sol jerden úzsem be eken dep oıladym», – degen eken.