MYNA SÓZDERDI JÚREKTERIŃIZGE TÚIINDEP ALYŃYZDAR!
Iməm əl-Mýzənı, rahımahýllah, aıtady:
”Men ıməm əsh-Shəfı'ı ólim həlinde tósek tartyp jatqanynda kirip suradym:
— “O, ustazym! Ne sezinip jatyrsyz?”.
Ol kisi aıtty:
— “Men bul dúnıemen, baýyrlarymmen qoshtasyp bara jatqanymdy sezinip jatyrmyn, jəne ólimniń jaqyndaǵanyn, jəne Allanyń aldyna ketip bara jatqanymdy, jəne ózimniń kúnəlarymmen betpe-bet kórisýge bara jatqanymdy sezinip jatyrmyn. Jəne men bilmeımin, janymdy Jənnətqa bara jatqanymen quttyqtaıyn ba əlde Tozaqqa bara jatqanymen ókineıinbe!?”.
Men taǵy suradym:
— “Maǵan ósıet aıtyńyzshy”
Ol kisi jaýap berdi:
— “Alladan qoryq jəne ólim sətińdi júregińmen elestet, ólimdi eshqashan umytpa jəne Allanyń aldyna baratynyńdy umytpa. Alladan qoryq, Onyń tyıymdarynan tyıyl, əmirlerin buljytpaı orynda. Qaıda bolsańda Allamen birge bol jəne eshqashan Allanyń saǵan bergen rızyǵyn az dep sanama, shúkirshil bol.
Úndemegeniń - pikir etkeniń, sóılegeniń - zikir etkeniń bolsyn. Kórgeniń - ǵıbrat bolsyn jəne ózińe qatysty ədiletsizdik jasaǵan adamdy keshir, senimen baılanysyn úzgen adamdy qolda, saǵan jamandyq etkenge jaqsylyq iste, qıyndyqta sabyr et, Allanyń qaharynan taqýalyqpen saqtan”
Men taǵyda aıttym:
— “Taǵy ósıet etińizshi”
Iməm Shəfı'ı bylaı dedi:
— “Tilińde ərqashan shyndyq bolsyn, ýədeń - súıenishiń bolsyn, meıirimdilik - tamyryń bolsyn, shúkirshilik - tazalanýyń, aqıqat - saýdań, baýyrlaryńa mahabbat - səniń, Allaǵa baǵyný - ómiriń, Onyń razylyǵy - amanatyń, túsinistigiń - uzaqty kóre alýyń, úmitiń - sabyryń, shyndyq - oranýyń, zeket - qalqanyń, uıalshaqtyq - basshyń, jumsaqtyq - əmirshiń, myna ómir - túrmeń, únemdeýshilik -aıyrylmas joldasyń, qajylyqpen jıhad – maqsatyń, Quran - suhbattasyń, Allany Qorǵanyńmen Súıenishiń, Dosyń et. Osy sıpattar kimnen tabylsa, onyń dərejesi - Jənnətta”
