MÁShHÚR JÚSIP: KEDEILIK PEN BEIShARLYQ NEDEN TÝADY?

Bul týraly Máshhúr-Júsip Kópeıuly:

«Burynǵylar «Kedeılik úsh aǵaıyndy bolady» degen. Úlkeni – kejirlik, ortanshysy – erinshektik, kenjesi – uıqy. Bul úsheýi – biri jelkeńnen tartyp, biri quıryǵyńdy jerge jabystyryp, biri qısaıta qulatyp, jibermeı jatqan soń, qolyń qaıda jetsin? Ózińnen óziń kótińnen keıin qaraı ketip qor bolasyń», – depti.

Kejirlik – bilgenniń tilin almaıtyn, aqylǵa kelmeıtin, bolar iske moıny jar bermeıtin, únemi syltaý taýyp, keri tartatyn qyńyrlyq pen qyrsyqtyq.

Erinshektik - iske qulyqsyzdyq, jaıbasarlyq, jalqaýlyq, isti keıinge qaldyra berý. «Erinshektiń erteńi bitpeıdi» dep beker aıtylmaǵan.

Uıqy - bul jerde kóp uıyqtaý aıtylǵan. Uıqy bas, kóp uıyqtaıtyn adam - oısyz, maýbas, sezim-túısigi taıaz bolady.

Máshhúr-Júsip Kópeıuly usynysy: «Til alǵysh, elgezek bolyp úıren – kejirlikten qutylasyń. Tipti, dáneme qylmasań da jaıaý aıańdap, olaı-bulaı júrip úıren – jalqaýlyqtan qutylasyń. Dúnıe-aqyrettiń biri bolmasa, biriniń ýaıymyn oılap «qalaı qylamyn, qaıtyp esebin tabamyn?» dep oıǵa tús – uıqyshyldyqtan qutylasyń. Bul úsheýinen qutylsań, qolyń ár nársege jetedi!»jolaman bulan