HASANNYŃ ÓMIRINE ÁSER ETKEN OQIǴALAR (Ǵıbrat)

Hasan ómirimde tórt oqıǵa maǵan qatty áser etti deıdi:

1.Birde men qaljyńdaǵym kelip bir átek jigittiń kıimderin alyp kettim, sonda ol: “Ótinemin, meıirimdi bol, kıimderimdi qaıtar, óıtkeni meniń shyn kúıimdi eshkim bilmeıdi,”-dedi.

2.Bir mas adam tereń, laı jerde zorǵa júrip kele jatyr eken. Men ony keketipó: “Abaılap júr, qulap qalma,”-dedim. Al ol bolsa, maǵan qarady da: “Hasan, eger men qulasam, meniń ǵana ústim bylǵanady. Odan da sen ózińniń qamyńdy je, sen qulasań, búkil halqyń qor bolady,”-dedi.

3.Bir kishkentaı bala janyp turǵan balaýyz sham alyp keledi eken. Men ózimshe pysyqsynyp, odan: “Bul sham qalaı jandy, myna ot qaıdan paıda boldy?”-dep suradym. Sonda ol bala qolyndaǵy shamdy óshirdi de: “Odan da myna jaryqtyń qaıda ketip qalǵanyn aıtyńyzshy?”-dep surady menen.

4.Bir jas sulý kelinshek kóshede kúıeýimen urysyp, ne bolsa sony aıtyp, jalańbas keledi eken. Men ol kelinshekke oramal taǵyp, durystap kıin, dep eskertip edim, ol maǵan: “Kúıeýime degen súıispenshilikten aqylymnan adasyp, sasyp, jalańbas kele jatqanymdy baıqamaı da qalyppyn. Eger siz aıtyp eskertpeseńiz osylaı kete berer edim. Bir qyzyǵy Hasan, sen ózińdi kúndiz-túni Qudaıǵa qulshylyq jasaýdamyn deısiń, sóıte tura kóshede ne bolyp jatqannyń bárin baıqap otyrady ekensiń, sonda ol qandaı Qudaıǵa degen mahabbat?”-dep surady.

Farıddın Attar "Tazkırat ýl-aýlııa"

 shyǵarmasynan úzindi.

aýdarǵan Júrsin KÁRIM