HALIFANYŃ NASIHATY

Halıfa Omar bın Abdýlazız (r.a.) qolbasshylarynyń birine mynadaı nasıhat jazǵan eken:

-Men saǵan taqýalyqty, Alladan qorqýdy jáne Oǵan moıynsunýdy nasıhattaımyn. Óıtkeni taqýalyq pen Alladan qorqý bizdi dúnıe jáne aqyret qıynshylyqtarynan qutqaryp, jánnatqa, «jamal ılahıge» jeteleıdi.

Musylmandardyń Allanyń razylyǵyna jetýi tek sahabalardyń jolymen júrýine baılanysty. Burynǵylardyń ómirinde keıingilerge taǵylym bar.

Adamdardyń qalaı dúnıeden ótip jatqanyn kórýdemiz. Ólim kúnáhardy táýbe etýden buryn alqymynan alyp, jaqyndarynan ajyratady. Árıne, adamdardy dúnıege qatty baılanýyna jol bermeı, aqyret ómirine baǵyttaıtyn nasıhat retinde ólim de jetkilikti. Alladan ólimnen keıingi jamandyqtan pana tilep, jaqsylyq sura. Allany ashýlandyratyn jáne aqyretke zııan keltiretin barlyq amaldardan saqtan.

Alla taǵalanyń jazǵan rızyǵy mindetti túrde jetedi. Dúnıedegi rızyǵyń belgilengennen artyq ta, kem de emes. Sondyqtan eńbekten, talpyn, táýekelge bel baıla! Alla taǵala seni kedeılikpen synasa, sabyrly bol. Jaman jolǵa túsip, adamdardyń qolyndaǵyǵa qyzyqpa! Allanyń bergen Islam nyǵmetine rıza bol. Óıtkeni budan asqan nyǵmet joq. Dúnıe nyǵmeti ýaqytsha, al Islamnyń nyǵmeti arqyly qolǵa túsetin aqyret nyǵmetteri máńgilik.