Imam Ahmadty aldyna ákelgen duǵa

Bir qalaǵa kelgen ımam Ahmad ıbn Hanbal bir túnin meshitte ótkizýin qalaıdy da, meshitke bet alady. Alaıda, kúzetshi ony tanymaý sebebinen meshitke túneýge ruqsat etpeıdi.

Baryp túneıtin jeri bolmaǵannan soń ımam Ahmad meshittiń janynda túnep shyǵýdy uıǵarady. Meshit kúzetshisi ony da qalamaıdy.

Sol kezde meshittiń janynan ótip bara jatqan bir naýbaıshy «Endi ne istedim» dep oılanyp turǵan ımam Ahmadty baıqap qalady. Qarasa, júzinen taqýalyqtyń nyshany kórinip tur. Sodan oǵan naýbaıhanada túnep shyǵýdy usynady.
Naýbaıhanaǵa kelgennen soń naýbaıshy qamyr ıleýge kirisedi. Sonda tóseginde jatqan ımam Ahmad onyń uzaq ýaqyt boıy ıstıǵfar jatqanyn estip: «Bu nege sonsha kóp ıstıǵfar aıtty eken?!» – dep tańdanady.

Ertesine ımam Ahmad naýbaıshydan kóp ıstıǵfar aıtýdyń sebebin suraıdy. Sonda naıbaıshy: «Tún bolsa uzaq, jumys ta kóp. Sondyqtan da ıstıǵfar aıtpaǵanda ne isteımin» – dep qoıa salady. Bul istiń bir syry bar ekenin sezgen ımam Ahmad: – Qalaı, ıstıǵfardyń paıdasy bar ma? – dep suraıdy.

– Árıne! Kóp ıstıǵfar aıtýdyń nátıjesinde duǵa-tilekterim qabyl. Ne tilesem de, Alla Taǵala tilegenimdi berip jatyr. Tek qabyl bolmaı júrgen bir ǵana tilegim bar.
– Ol ne tilek?
– Imam Ahmad ıbn Hanbaldy kórý.
Sol kezde ımam Ahmad kózine jas alyp: «Endeshe, kóp ıstıǵfar aıtqanyń zaıa ketpepti. Kórýin armandap júrgen Ahmad menmin», – degen eken.

Alla Taǵala árdaıym ıstıǵfar aıtýdy ádet etken pendesine kez-kelgen aýyr jaǵdaıdyń sheshimine nusqap, barlyq ýaıymyn jeńildetedi. Ári rızyǵyn ol kútpegen jerden násip etedi», – degen.