ǴIBRATTY SÓZDER

• Jaqsylyqty--jaqsy adam ǵana baǵalaı biledi.

Júregi taza, nıeti durys adam esh ýaqyt ózgeden kir izdemeıdi.

Keshirimdi kisi ǵana iri adamǵa aınalady. Óıtkeni, onyń júregi keń, órisi bıik!

Birinshi bolyp keshirim suraý álsizdikti bildirmeıdi.

Kishireıý tómendeý emes.

• Adamnyń kemshiligine qaramaı syılasa bilý naǵyz adamdyqtyń belgisi.

Eger jaqsy ómir súrgiń kelse jaqsy adamdardy izde, al jaqsy adam tapqyń kelse jaqsy sóılep jaqsylyq jasa.

Adaldyq degen--eshkimge qııanat jasamaı, taza eńbegimen kún kórý.

• Basqalardyń baqytyna qýanyp júretin adam bir kúni ózi de baqytqa jetedi.

Syılastyq pen adaldyq bar jerde úlken mahabbat pen shaıqalmas shańyraq bolady.

• Eshqashan bireýdi qarǵap silemeńiz, bul--óte jaman qasıet.

Eshqashan eshkimdi qyzǵanba, Alla rızyqty árkimge árqalaı násip etedi.

• Adam qyzǵanyshtan tez qartaıady,

Renishten aýrý paıda bolady,

Ashýshań júdegish keledi.

• Nıet tilden emes, júrekten shyǵýy kerek.

Júrek--meıirim men jumsaqtyqtyń mekeni.

Adamdy tárbıeleıtin qataldyq emes, meıirim.

• Uıyqtar aldynda bárin keshirip, taza júrekpen uıyqtańyz..

Kórsetken qurmetiń úshin--qurmettelesiń.

• Qadirińdi ketirme, ol--seniń taptyrmas baılyǵyń.

Kimniń kim ekenin basyńa is túskende bilesiń. . .

• Jastar úlkender aldynda, Úlkender jastar aldynda ózderin ádepti ustaǵandary jón.
• Ár qıyndyqta--jeńildikter,

Ár kóz jasta--qýanysh,

Ár sabyrlyqta--abyroı jasyrylǵan.

• Baqyt: Jaryńyzdyń adaldyǵy,

Bala shaǵańyzdyń amandyǵy,

Ot basyńnyń tatýlyǵy.

• Qyz degen:

Renjitý úshin emes--erkeletý úshin,

Aıǵaılaý úshin emes--aıalaý úshin,

Aldaý úshin emes--armandaý úshin,

Urý úshin emes--súıý úshin jaralǵan.

• Qyzdyń sulýlyǵy--onyń tárbıesinde, uıattylyq seziminde, alǵan biliminde, sabyrlyǵynda, kishipeıildiliginde, qarapaıymdylyǵynda.
• Adam basyna baqtyń qonǵanyn bilmeıdi, ushqanyn biledi.

Ashý aqylsyzdyqpen bastalyp, ókinýmen aıaqtalady.

• Ómirdiń ashysyn kóp tatqan adam--táttiniń qadirin biledi.

Erteńgi jetistik búgingi qıyndyqtar men qolaısyzdyqtarǵa negizdelgen.

• Qıyndyq kórmegen adam baqyttyń ne ekenin bilmeıdi.

Aldyńa maqsat qoı, sol maqsatqa jetý úshin kúrese bil.

Ómirińniń sapasyna óziń jaýaptysyń!

• Ózgeniń qateligin synaǵan, ózinikin baıqamaıdy.

Ózgeni tómendetkennen óziń bıik bop qalmaısyń.

• Bárin túsindirýge bolady, biraq bárine emes.

Sizge ósek aıtqan adam siz týraly da ósek aıtady.

• Aqyldy adam bireýdiń kem-ketigin ózi túzep júredi,

Aqymaqtar bireýdiń kem-ketigin jipke tizip júredi.

• Adam bireýge rıza bolsa kemshiligin kórmeıdi,

Bereýge renjise jaqsylyǵyn kórmeıdi.

• Bireýler ýaqytty jetkize almaıdy,

Bireýler ýaqytty ótkize almaıdy.

• Adamnyń kóńiline qarap sóıleý--adamgershilik belgisi.

Sózdi aıtqansha sózge siz qojaıynsyz, aıtylǵan soń sóz sizge qojaıyn.

• Basqalar seni toqtatqansha sóılegennen góri--ózińdi sóıletkenshe úndemeı otyrǵanyń áldeqaıda artyq.

Adam basyndaǵy myń oıǵa emes, aýzynan shyqqan bir sózge jaýap beredi.

Ózińe qatysy joqqa aralaspa.

Ózińniń qandaı ekenińdi sózińmen emes, isińmen kórset.

• Keshirimdi eken dep renjite berýge bolmaıdy.

Tilim bar dep sóıleı berý qadirińdi joǵaltady.

Synshyldan--kúnshil men minshil kóp.

Sarań--alǵanyna, jomart bergenine qýanady.

Sóıleı beretin adam kóp, sóıleı biletin az.

Aqyl aıtatyndar kóp, qol ushyn beretinder az,

Syn aıtatyndar kóp, jol kórsetetinder az.

Ómirge narazylyq tanytqansha, ómirińdi mándi etip súrýge umtyl.

• Qoldaǵy baryńdy baǵalaı bil!

 Áıtpese erteń odanda aıyrlyp qalýyń múmkin.

Qanaǵatshyl adam--eń baı adam.

Qolynda dymy joq emes, ylǵı joq deı beretin adam kedeı.

Aqshasy joq adam kedeı emes, armany men maqsaty joq adam kedeı.

Baılyq pen kedeıliktiń shekarasy aqsha emes, shekarasy qanaǵat. Kim qanaǵat qylsa ol ózin árqashanda baı sezinedi!

• Bireý tiri júrse de joq sııaqty,

Bireý ólip qalsa da bar sııaqty.

• Taǵam kóp bolsa--toıdyrady, az bolsa--tárbıeleıdi.

Ulttyń ákesi tarıh, anasy til, qarýy salt-dástúr!

• Ómirdegi jeti keremet: Kórý, estý, sezý, sóıleý, oılaý, qýaný, jáne súıý.
• Ózińdi qadirlegiń kelse, qadirińdi bilmeıtin adamdardan aýlaq bol!
• Eshkimge kim ekenińdi dáleldep álek bolma. Seniń jaman jaǵyńdy kórgisi kelgen adam, báribir jaqsy jaqtaryńdy kóre almaıdy. . .
• Janyńda júrip, júrekke kirip, ótirik kúlip, syryńdy bilip, ishińdi tilip ketetinderden saqtan.

 

Jınaqtap qaǵazǵa túsirgen:

Nazarbekov Abat