ǴIBADATTAR JASAÝ KEZINDE...
Ǵıbadattar jasaý kezinde seni asyqtyrýshy nápsińmen kúres, ári nápsińniń qalaýyna baǵynba...
Imam Mýhammad ıbn Solıh ál - Ýseımın (Alla ony meıirimine bólesin) aıtady :
Namazda turǵan kezinde óz nápsińmen tartys tabasyń, sonda onymen arpalys...
Nápsiń saǵan: " Tezdet! Tezdet! Tezdet " - dep aıtady.
Biraq, sen oǵan baǵynba!
Qaıta sen, nápsińe:
"Men anyq bilemin, men ómirimnen osy sátte ári osy amalmen paıda alamyn" - dep aıt.
Eger osy sózimdi sezseń, ómirińnen tek osy jáne osyndaı amalmen ǵana paıda alatynyńdy túsinseń, odan (namazdan, ǵıbadattan) arystannan qashqandaı qashasyń ba, álde tynyshtyq tabasyń ba?
Jaýap berińder eı jamaǵat!
Árıne, tynyshtalasyń!
Baýyrym, osyǵan oılan:
"Allahý Akbar" degen kezinde ishki dúnıeńde "Bol - Bol!" dep asyqtyratyn bir nárse tabasyn.
Baýyrym sol sátte: "Asyqpa, Asyqpa, Asyqpa, óıtkeni maǵan ómirimnen osydan basqa eshteńe joq, qabirimde, ólim aldynda ári qııamet kúni maǵan osydan basqa eshnárse paıda ákelmeıdi" - de.
Tynyshtal baýyrym!
Sondaı - aq, namazda turǵanda kimmen sóılesip turǵanyńdy esińe al!
Kimmen sóılesip turasyń, áı baýyrym?!
Álbette, sen óziń bárinen de artyq jaqsy kórinetinińmen; Allamen sóılesip turasyń.
Sen bilmediń be: "Barlyq madaq Álemderdiń Rabbysy Allaǵa tán" - degen kezińde, jeti qabat aspannyń ústinen Alla Taǵala:
"Qulym Meni madaqtady" - dep aıtatynyn?!
Sen bilmediń be: "Asa Rahymdy, erekshe Meıirimdi" - degenińde, Alla Taǵala:
"Qulym Maǵan maqtaý aıtty" - deıtinin?!
Sen bilmediń be:
"Qııamet kúniniń Iesi" - deseń, Alla Taǵala:
"Qulym Meni ulyqtady" - dep aıtatynyn?!
Sózsiz, osynyń bári ras!
Sen bilmediń be:
"Saǵan ǵana qulshylyq qylamyz, ári Senen ǵana járdem tileımiz!" - degen kezinde, Alla Taǵala: "Bul Menimen qulymnyń arasyndaǵy nárse" - dep aıtatynyn?!
Sen bilmediń be:
"Bizde týra jolǵa basta" - degenińde, Alla Taǵala: "Al, bul qulym úshin, endeshe qulyma suraǵany bolsyn" - deıtinin?!
Endi, osydan asqan qandaı jaqsylyq bar ózi?!
Olaı bolsa, senimen sóılesip turǵan, barlyq nársege Qudirettiniń aldynan qalaı qashasyń?
Áı, baýyrym!
Ózińdi bil, ózińdi bil(kim ekenińdi) jáne ne úshin jaratylǵanyńdy?
Allamen ant etemin! Eger osy sezimdi seze bilsek, kez - kelgen qulshylyqty jasaý bizge jeńil bola túsýshi edi, ári dúnıeniń barlyǵy bizge arzan bolýshy edi (eshbir quny qalmas edi)
Eger dúnıeniń quny masanyń qanatyna teń kelgende, Alla Taǵala kápirge bir tamshy sý da bermes edi.
Allamen ant eteıin!
Alaıda, dúnıeniń quny - Allanyń aldynda usha almaıtyn sol qanattan da tómen eken.
Mine, osylaı ımam Ibn Qoıım jyrlaǵan bolatyn, ári ol ras aıtqan.
