ESTE USTAITYN ESTI SÓZDER
Namaz – tek qulshylyq emes, ol rýhanı jáne Energetıkalyq tepe-teńdikti saqtaýdyń joly. Namaz arqyly adam tándik, rýhanı, tipti ǵaryshtyq deńgeıde qýat alady.
Qııam – adamnyń tik turýy, bul – rýhtyń sergektigi, nyq senim men týra jolda turýdyń belgisi.
Rýhý – ıilý, bul – adamnyń Jaratýshyǵa baǵynyp, ózin kishireıtýi, tákapparlyqtan arylýy.
Sájde – jerge tolyq jyǵylý, bul – Allanyń aldynda tolyq moıynsuný, shynaıy berilý.
Sájde kezinde mıdyń jerge tııýi de erekshe mánge ıe. Keıbir zertteýlerge sáıkes, sájde jasaǵanda adamnyń mıyna qan aınalymy jaqsaryp, deneniń bıoEnergetıkalyq júıesi retteledi. Bul – adamnyń Allamen baılanysynyń eń joǵary sáti.
Iaǵnı, namaz – fızıkalyq qımyl ǵana emes, ol tán men rýhtyń úndestigi arqyly Allanyń jibergen qýatyn qabyldaýdyń joly.
Qudııar BILÁL
Iá, bos sóz, qysyr áńgime, arzan kúlki, bireýdi talqylap, ósek aıtý, tek dúnıelik maqsattardyń artynda júrip, bar ýaıym-qaıǵynyń qarabastyń qamynan aspaýy Qudaıdan alystaǵanyńnyń belgisi, Allanyń senen nazaryn burǵandyǵynyń dáleli.
Iaǵnı, aınalysyp jurgen isiń Allanyń nazaryndaǵy seniń deńgeıińniń ólshemi bolmaq. Basqasha aıtqanda Jaratqannyń janyndaǵy jaǵdaıyńdy bilgiń kelse, Ol seni qandaı isterde qoldanyp jatqanyna qara.
Aýyr. Biraq árqaısymyzǵa dabyl qaǵyp, es jıdyratyn ashy shyndyq.
Rabbymyz, bar biletinimizdi, eń úlken ýaıym-qaıǵymyzdy aldamshy dúnıe ete kórme!
Aǵaıyn, talǵamǵa talas joq. Óıtkeni tanym - ártúrli. "Sen nege men sııaqty oılamaısyń? Iaǵnı aqymaqsyń!" deý de - aǵattyq. Adam bolǵan soń, oılanady, izdenedi; ózinshe bir shyndyqty tabady... Basqalardyń senimin syılap úıreneıik. Ózimizden basqasha oılap turǵan adamdy túsiný úshin ol oqyǵan dúnıelermen tanysyp kóreıik; zerdeleıik, túsinýge tyrysaıyq...
Synaý men mineýdiń aıyrmasy bar... Bireýdi jamandap, jaqsy bolý múmkin be?..
Basqa adamdy syılaǵanym - ózimdi syılaǵanym, bireýdi qorlaǵanym - ózimdi qorlaǵanym!
Óıtkeni atam qazaq aıtqan:
"Jaqsylyq qylsań - ózińe, jamandyq qylsań - ózińe, aspanǵa qarap túkirme - túsedi qaıtyp kózińe!"...
Alǵadaı ÁBILǴAZYULY
