ER JIGITTERGE ARNALǴAN TYIYMDAR

Qazaqtyń tyıymdary–adamdy jaman qasıetterden aýlaq bolýǵa úndep, ádep pen izgilikke shaqyrǵan tárbıe quraly. El ishinde eń jıi aıtylatyny – «Qyzǵa qyryq úıden tyıym». Alaıda er balalardy 4-5 jasynan atqa mingizip, ómirdiń oń-solyn erte kezden úırete bastaýynyń da artynda oǵan artylǵan úlken jaýapkershilik tur. Sol sebepti olarǵa da «Ulǵa otyz úıden tyıym, on san úıden syn» dep, joǵary talaptar qoıǵan.

Urlyq qylyp, usaq bolýǵa;

Ersi kúlýge;

Ysyrapshyldyqqa jol berýge;

Suramaǵan adamǵa aqyl aı̆týǵa;

Jigersiz, ynjyq, ez bolýǵa;

Adamǵa qarý, myltyq kezenýge;

Adamdy, maldy attaýǵa;

Álsizge kúsh kórsetip, zábirleýge;

Áıelge óktem sóıleýge;

Bórkin teris kııýge;

Dinińe til tıgizýge;

Dushpanǵa senýge;

Dosyn satýǵa;

Erdiń sózin eki etýge;

Er-turmandy attaýǵa;

Jerdi teýip, sabaýǵa;

Otqa túkirýge, sý tógýge;

Ótkenge ókinýge;

Ótirik kýálik berýge;

Sarań, paıdakúnem, usaq bolýǵa;

Saýsaǵyn bezeýge;

Tabaldyryqty basýǵa;

Tańerteńgi asty tastaýǵa;

Teris sóıleýge;

Iesiz úıge kirýge;

Itke ojaýmen as quıýǵa;

Iegin taıanýǵa;

Kúsh kórsetýge;

Kisi minine kúlýge;

Qudyqqa túkirýge;

Qyzǵa qol jumsaýǵa;

Malǵa zábir jasaýǵa;

Mezgilsiz júrýge;

Mezgilsiz uıyqtaýǵa;

Namysyn taptaýǵa, t.b. tyıym salynady