DÚNIIaÝI ÓMIR

قَالَ رَسُولُ اللهِ صَلَّى اللهُ عَلَيْهِ وَسَلَّمَ: مَنْ نَزَلَتْ بِهِ فَاقَةٌ فَأَنْزَلَهَا بِالنَّاسِ لَمْ تُسَدَّ فَاقَتُهُ وَمَنْ نَزَلَتْ بِهِ فَاقَةٌ فَأَنْزَلَهَا بِاللهِ فَيُوشِكُ اللهُ لَهُ بِرِزْقٍ عَاجِلٍ أَوْ آجِلٍ. (ت)

Paıǵambarymyz (s.a.ý.) bylaı deıdi: “Kimde-kim basyna aýyr kún týyp, muqtaj kúıge tússe jáne ony jurtqa aıtsa, muqtajy ótelmeıdi. Kimde-kim basyna kún týyp, muqtaj kúıge túsip muny Alla Taǵalaǵa aıtsa, Alla Taǵalanyń ol pendeni dúnıe men aqyrette baılyqqa keneltedi”. (Súnán Tırmızı)

Imam Rabbanı (q.s.) bylaı degen:

Dúnıeniń jalǵasy shynynda tym sholaq. Al aqyret azaby óte kúshti ári úzilmeıdi. Solaı bolǵan soń senderge keregi aqyl-oıdy paıdalaný jáne dámsiz dúnıeniń sulýlyǵyna aldanbaý qajet. Eger qurmet pen artyqshylyq dúnıeýı sebepke baılanysty bolsa,  dúnıeniń mol nesibesi buıyrǵan kápirlerdiń qurmeti men artyqshylyǵy basym bolýǵa tıis edi. Dúnıeniń kórkine aldaný aqylsyzdyqtan. Aqyldy adamǵa laıyǵy az kúndik múmkinshilikti olja sanap, osy az ǵana múmkindikte Alla Taǵalanyń rızashylyǵy úshi eńbektenýi jáne Alla Taǵalanyń jaratqan maqluqatyna jaqsylyq jasaý. Óıtkeni Allanyń ámirine boıusyný jáne Allanyń jaratqan maqluqatyna meıirimmen qaraý aqyret azabynan qutylý úshin eki úlken negiz. (1-t., 98-h.) 

…Ólimdi eshqashan esten shyǵarmańdar jáne biryńǵaı Alla Taǵala razy bolatyn nárselerge bet buryńdar; dúnııaýı ómirdi aldamshy sulýlyq dep qana sanańdar. Eger dúnııaýı nyǵmetterdiń (Alla Taǵala aldynda) qyldaı quny bolsa, kápirler ony qajetine jarata almas edi jáne jamandarǵa odan eshteńe berilmes edi. (1-t., 89-h.) 

Eger (bireýdiń kózine) dúnıe baǵaly kórinse, aqyrettiń qadiri joq. Al eger dúnıe qunsyz bolsa, aqyret qymbat. Bul ekeýin biriktirý bolsa, qarama-qaıshy nárseni qosýmen teń (ıaǵnı múmkin emes). (1-t., 33-h.)

Dinı úkimderdi oryndaý múmkin bolǵan (nápsige jeńil bolǵan) kezde dúnıeniń zııanynan qutylýǵa bolady jáne ondaı kezde dúnıe aqyretpen birlesedi.  (1-t., 72-h.)

Sońǵy nasıhat retinde; sharıǵattyń ıesi  bolǵan Paıǵambarymyzǵa (s.a.ý.) qalaı da baǵyný kerek. Munsyz azaptan azat bolý múmkin emes. Dúnıeniń áshekeıine qyzyqpaý kerek jáne bar-joǵyna mán bermegen jón. Óıtkeni Alla Taǵala dúnıege jaman qaraıdy. Ol úshin dúnıeniń esh quny joq. Sol sebepti quldarynyń janynda dúnıeniń joqtyǵy barlyǵyna qaraǵanda, qaıyrly bolýǵa tıis. Opasyz dúnıeniń bir demde óte shyǵatyny belgili; tipten sát saıyn kórip júrmiz. Buǵan deıin kelip-ketken dúnıe áhlinen ǵıbrat alyńdar.

Alla Taǵala biz ben sizdi Paıǵambarymyzdyń (s.a.ý.)  jolynan aınytpasyn. (Máktýbat Imam Rabbanı, 1-t., 74-h.)