DÚNIEDE ESEPTERIŃ TÚGEL BOLSYN!

 Paıǵambarymyz (s.a.ý.) bylaı dedi: «Esepke tartylmaı turyp ózderińdi esepke tartyńdar». (Súnán Tırmızı)

Paıǵambarymyz (s.a.ý.) “(Qııamet kúni) esep bermes buryn (dúnıede) ózderińnen esep alyńdar, (amaldaryń) onda eseptelmeı turyp ózderiń muny esepteńder” degen.

Paıǵambarymyz (s.a.ý.) bul hadıs arqyly mynany eskertedi: “Amaldaryńa dúnıede muqııat bolyńdar jáne esepteriń túgel bolsyn. Jaqsylyqtaryń kóp pe, álde jamanshylyqtaryń ba? Eger saýaptaryńnyń kúnálaryńnan kóp ekenine kózderiń jetse, Alla Taǵalaǵa madaq aıtyp, saýaptaryńdy taǵy da molaıta túsýdiń qamyn oılańdar. Eger kúnálaryńnyń kóbirek ekenin bilseńder, dereý táýbaǵa kelip, keshirip ótinýdi bastap, kúnáǵa jolamaı, saýapty isterge umtylyńdar.” 

Alı (r.a.) bylaı degen: “Kimde-kim eńbektenbeı jánnatqa kirýge bolady dep oılasa jáne sony talap etse, ol adamnyń bolmaıtyn nárseden úmittengeni. Al kimde-kim eńbektenip jánnatqa kirýdi oılasa jáne sol jolda kúsh jumsasa, ol adam da beker beınettengen bolady (óıtkeni bári tek Alla Taǵalanyń raqymymen jánnatqa kiredi).” 

Bir taqýa jan birde ishteı óziniń ómirge kelgeli jıyrma myń alty júz kún ótkenin esepteıdi. Birden eńireı jylap bylaı oılaıdy: “Ár kún bir kúnádan istegen bolsam, kúnálarymnyń keminde jıyrma myń alty júzge jetkeni ǵoı. Munsha kúnámen Alla Taǵalanyń quzyryna ne betimmen baramyn.”

Odan ári eńireı jylap, ‘ah’ uryp jerge qulap túsedi. Jan tapsyrady. Sol jerdegiler sonda ǵaıyptan daýys estıdi: “Ýa, jamaǵat! Myna salıh quldyń rýhy Fırdaýs jánnatynda.”