DUǴA-TILEK EKI TÚRLI BOLADY
Ásilinde, duǵa-tilek eki túrli bolady. Birinshisi ispen, Qudaı̆dyń myna dúnıede qoı̆ǵan zańdylyqtaryn, sebepterin oryndaý arqyly júzege asady.
Mysaly, kóktemde jer jartyp, egin egý, dárisin shashyp, tyńaı̆tqyshyn quıý da áreketpen jasalǵan "Jaratýshym maǵan berekeli egin ber" degen duǵaǵa jatady.
Al ekinshisi júrekpen, tilmen jalbaryný arqyly bolady.
Musylman balasy eki túrli duǵanyń da qasıetin kemitpesten qatar jasaýy kerek. Tilmen jasalǵan duǵa jetkilikti deý dindi, paı̆ǵambardy durys túsinbeýge jatady. Alla elshisi (s.a.ý.) ne nárse bolsyn, aldymen Qudaıdyń osy dúnıede qoı̆ǵan zańdylyqtaryn, sebep-saldarlaryn oryndaı̆tyn.
Mysaly ýhyd soǵysyn alaı̆yq. Mádınaǵa qalyń áskermen shabýyl jasaǵan quraı̆yshtyqtarǵa qarsy musylmandardy barynsha qarýlandyrdy. Ózi de saýytyn kıip, qolyn kókke kóterip, egile jylap uzaq duǵa jasady. Handaq soǵysynda da dushpandardan Mádına qalasynyń aı̆nalasyna tereń or qazý arqyly qorǵandy.
Sahabalaryna "saýyttaryńdy sheship, qarýlaryńdy tastap, "falaq" pen "nas" súrelerin oqysańdar, sózsiz jeńiske jetesińder" degen joq. Kerisinshe eki túrli duǵany da kemeline jetkizip oryndady.
Mynany bilýimiz kerek. Ispen jasalatyn duǵaǵa mán bermegenniń tilmen ǵana aı̆tqan tilegi kóbinese qabyl bolmaı̆dy. Birinshisindegi salǵyrttyqty ekinshimen jabýǵa tyrysý jaýapkershilikten qashý hám shynaı̆y tilektiń qadirin ketirý sanalady.
