BÓLTIRIK ShEShEN JÁNE EKI BALA

Bóltirik sheshen joǵalǵan bir úıir jylqysyn izdep Kesken kóldiń qamysyn jaǵalap iz kesip júrgende bir tóbeniń astynda bastaryn kóleńkelep alyp sóılesip jatqan eki balany kóredi. Jaqyndap baryp joǵalǵan jylqylaryn suraýǵa nıet qylady eki balany shoshytpaıyn dep atyn tusaýlap jaıaý barady.

Balalarǵa bes-alty qadam qalǵanda əńgimesine quraq túredi.

Bir bala bireýine «Tursaıshy qoı uzap barady, qaıyryp kel»- depti sonda ekinshisi «Sen jaıdaqtyń aýlynansyń, jaǵalasyp jaý qaıyrǵanda jamyraǵan qoıdy qaıyra almaısyń ba, óziń bar»- depti. Sonda alǵashqy sóılegeni «Sen batyrdyń aýlynansyń, baqyrǵandaryńnan jaý qashady, basyńdy kóterip aıqaılap kórshi qoı ózi-aq qaıyrylady»- dep jata beripti. Mynaý kezdeısoq əńgimeni estip tənti bolǵan Bóltirik sheshen shydaı almaı «Əı, nege jatyrsyńdar qoılaryńa qasqyr shapty»- depti.

Eki bala atyp turypty.

Birinshi sóılegen bala «Kókjaldyń qoıyna qasqyr shabýshyma edi. Ózińdeı iz kese almaı joq izdegen sóz taba almaı boq izdegen qarny ashqan qańǵybas bolmasa»- depti.

Ekinshi bala ornynan turyp «Izdegen joǵyń Botbaılardyń jylqysynyń ishinde júr. Biraq olar jyryndy ury emes jolyńnan qalma»- depti.

Bóltirik sheshen ne aıtaryn bilmeı sózden tosylyp Botpaılardyń aýlyna baryp jylqylaryn bólip alyp turyp:

«Men osy qazir Kesken kóldiń jaǵasynda eki balaǵa jolyqtym.

Bala emes batpan eken

Bota emes býra eken.

Jaǵyna jaýaby saı.

Jaýabyna jalaýy saı.

Jańylmaıtyn Jaıdaq pen Batyrdyń aýlynan eken. Mynaý eki jylqyny sol qos órenniń óreli oı talǵamyna tartqan syıym bolsyn» dep qalǵan jylqylaryn aıdap eline jol tartypty...

Aqpantaı Baıǵutov

Asan Turabaev.