BAÝYRDAN ÚZIR IZDEÝ
Eger bir-birimizge meıirim men meıirimdilik tanyta bilsek, ómir áldeqaıda ádemi bolar edi, júregimizde mahabbat kóbirek bolar edi. Óıtkeni biz óz júregimizden basqalarǵa degen súıispenshilik pen meıirimdiliktiń bulaqtarymen týylǵanbyz. Biraq bir-birin renjitý, ósek aıtý, aıyptaý olardyń jolyn bógep, móldir bulaqty úıilgen qoqyspen lastaıtyny sııaqty olardyń taza aǵynyn toqtatady. Bireýdiń qateligin muqııat este ustaıtyn sııaqtymyz... Ózimizdikin baıqamaý úshin.
Baýyryn týraly jaman oılar nege aparady? Osy jaman oılardy syrtqa shyǵarmaı ishimizde saqtaýǵa kúshimiz jetpese, sonda olar mindetti túrde shyǵyp, basqa kúnálarǵa aparady:
- bireýge til tıgizý;
- onyń ústinen ǵaıbat aıtý;
- jala jabý.
Biraq, jaman oı men únsiz sógis ózimizge de zııan, janymyzdyń tazalyǵyna qaýipti. Sonda olar týraly úndemeýden góri olardan aýlaq bolý oryndyraq bolady. Alla Taǵala Quranda: «Áı, múminder! Kúmánnyń kóbinen saqtanyńdar. Óıtkeni, kúmánnyń keıbiri kúná. Syr teksermeńder, bireýdi-bireý ǵaıbattamasyn. Bireýleriń ólgen týysynyń etin jeýdi jaqsy kóre me? Árıne ony jek kóresińder. Rasynda Alla táýbeni tym qabyl etýshi, erekshe meıirimdi», («Hýjýrat» súresi, 12-aıat) – deıdi. Ertedegi izgilerdiń danalyǵynda da: «Eger saǵan baýyryń týraly jamandyq kelse, oǵan syltaý tabyńdar. Eger tappasan, onda men bilmeıtin sebebi bolýy kerek dep aıt» degen.
Basqany aqtaý áreketi adamdy aıyptaý men qorlaýdan góri janashyrlyq pen kómekke umtylýǵa ákeledi. Demek, múminder arasyndaǵy qarym-qatynasty buzatyn is-áreketten saktaný, kerisinshe baýyrynan úzir izdeý olardyń baılanystaryn kúsheıtedi. Alla Taǵala barsha musylman baýyrlarymyzǵa yntymaq pen birlik bersin.
