BARAAT TÚNINIŃ QASIETI

Paıǵambarymyz (s.a.ý.) bylaı deıdi:

«Shaǵban aıynyń jartysy bolǵanda, túnde qulshylyq jasap (namaz oqyp), kúndiz oraza ustańdar».

«Kimde-kim, bul (Barat) túnde júz rákaǵat namaz oqysa, Alla Taǵala oǵan júz perishte jiberedi. Bulardyń otyzy ony jánnatpen súıinshileıdi, otyzy jahannam azabynan aman ekenin jetkizedi, al otyzy dúnıe azabyn odan keri qaıtarady. On perishte ol adamdy shaıtannyń tuzaǵynan qorǵaıdy».

«Osy bes túndi qulshylyqpen ótkizgen janǵa jánnat ýájip bolady: «Tárýııa» túni (Arafadan aldyńǵy tún), Arafa túni, Qurban aıt túni, Oraza aıt túni, Shaǵbannyń on besinshi túni».

Barat túniniń keı erekshelikteri mynalar:

Hıkmeti bar barlyq is – pendelerdiń rızyqtary, ajaldary jáne basqa isteri – osy túnde anyqtalady, jazylady.

Osy túnde ǵıbadat jasaýdyń saýaby mol.

Osy túnde raqym túsedi. Hadıste: «Shaǵban aıynyń dál ortasyndaǵy túnde Alla taǵala (nyń raqymy) dúnıe kóginde kórinedi» - delingen.

Múmınder keshirilip, kúnálary óshiriledi.

Ardaqty Paıǵambarymyzǵa (s.a.ý.) tolyq shapaǵat quqyǵy osy túnde berilgen.

Paıǵambarymyz (s.a.ý.) Shaǵban aıynyń on úshinshi túninde Alla taǵaladan úmmeti úshin shapaǵat suraǵan. Alla Taǵala úmmetiniń úshten biri úshin shapaǵat etýge ruqsat etti. On tórtinshi túni, qalǵan úmmeti úshin shapaǵat surady. Alla taǵala úmmetiniń úshten ekisine shapaǵatqa ruqsat berdi. On besinshi túni, qalǵan úmmeti úshin shapaǵat surady. Alla taǵala túıeniń ıesinen qashqanyndaı Alladan qashatyndardan bólek, úmmetiniń bárine shapaǵat etýine ruqsat berdi.

Osy túnde zámzám sýynyń erekshe kóbeıýi, Alla taǵalanyń súnneti (ılahı daǵdysy). Munda ılahı ilimderdiń aqıqat jolyndaǵy jandardyń júreginde arta túsetinine belgi bar.