ÁRBIR NÁRSENIŃ ÓZINDIK SIPATY BAR

Shemseddın Sıvası (rah.) «Tańdaýly  tórt dostyń ómiri » kitabynda Paıǵambarymyzdyń (s.a.ý.) Ázireti Álıge (k.ý.) mynadaı nasıhat aıtqanyn jazady:

* Jasaǵan amaldary jaman bolǵan adamnyń mynadaı úsh belgisi bolady: Alla Taǵalanyń ámirin oryndaýda jalqaýlyq tanytady. Alla Taǵalanyń quldaryna qıyndyq beredi. Ózine jaqsylyq jasaǵandarǵa jamandyq jasaıdy.

* Salıh quldyń úsh sıpaty bar: Ol Alla Taǵalaǵa izgi amaldar jasaýǵa ýáde beredi. Bilim alý arqyly dinin qýattandyrady. Ózine qandaı jaqsylyq qalaıtyn bolsa, ózgelerge de sony tileıdi.

* Óz isiniń sheberleriniń boıynda úsh belgi bar: Allaǵa moıynsunýǵa, ámirlerin oryndaýǵa asyǵady. Alla Taǵala haram etken, tyıym salǵan nárselerden aýlaq júredi. Ózine jamandyq jasaǵandarǵa jaqsylyq jasaıdy.

* Kúnáhar adamda úsh belgi bar: Ol kóp qatelesedi, kóp kemshilik jiberedi. Ol oıyn-saýyqpen ýaqyt ótkizedi.  Umytshaqtyq onyń boıyna sińgen.

* Júregi qaraıǵan adamnyń úsh belgisi bar: Álsizderge meıirim kórsetpeıdi. Azǵa qanaǵat etpeıdi. Ýaǵyz-nasıhat oǵan esh paıda ákelmeıdi.

* Shynshyldardyń úsh belgisi bar: Qulshylyqtaryn jasyrady. Basyna túsken qıynshylyqtardy jasyrady. Muqtajdyqtaryn jasyrady.

* Kúnáhardyń úsh belgisi bar: Ol adamdar arasynda iritki salý men arazdyqty jaqsy kóredi. Halyqtyń basyna bále, apat bolǵanyn qalaıdy. Jaqsylyq jasaýdan qashady.

* Tárbıesi tómen, qasıetsiz adamdarda úsh belgi bar: Jaqyndaryn renjitkisi keledi. Kórshilerine qıyndyq beredi. Kúná jasaǵandy unatady.

* Aqyrette baqytsyz bolatyn adamnyń úsh belgisi bar: Kóp ótirik aıtady. Ótirik ýáde berip, kóp ant - sý ishedi. Adamdarǵa qıynshylyqtary men muqtajdyqtaryn aıtyp, olarǵa júk bolady.

* Jomart adamnyń úsh sıpaty: Dushpanyn jeńýge shamasy kelse de keshiredi. Mal-múlkinen zeket beredi. Sadaqa bergendi jany súıedi.

 • Sarańnyń úsh belgisi: Ashtyqtan qorqady. Qaıyr suraýshylardan qorqady. Ózine jaqsylyq jasaǵan adamǵa tilimen ǵana jaqsy sóz aıtyp, biraq ózi jaqsylyq jasamaıdy.