ÁRBIR NÁPSI / JAN AJALDY TATADY

Alı-Imran súresiniń 185-shi aıatynda:

“Árbir tiri jan (bir kúni) ólimniń dámin mindetti túrde tatady. Qııamet kúni bul dúnıede istegen isterińniń qarymyn tolyq alasyńdar. Kimde-kim tozaqtan aýlaq áketilip, jumaqqa kirse, zor jetistikke hám maqsat-muratyna jetkeni. (Bilip qoıyńdar), bul dúnıeniń tirshiligi aldamshy qyzyqtan, jalǵan buıym-boqshadan basqa túk te emes” deıdi. Bul aıat bylaı tápsirlengen:

Árbir nápsi; jaratylǵan árbir tirshilik ıesi, perishteler men jyndar da ólimniń dámin tatady; ólimge dýshar bolady. Taǵdyrǵa jazýly merzimi kelgende myna dúnıelik ómirden qol úzedi. Munymne qatar, óıtip ólgender qaıta tirilmeıdi emes. Belgili ýaqyty bolǵanda búkil ólgender Allanyń qudiretimen qaıtadan ómirge ıe bolyp, máńgilik álemge barady.

Endi, ýa, mindetti halaıyq! Sender de jańa ómirge barasyńdar jáne sóz joq, senderge dúnıede istegen jaqsy jáne jaman amaldaryńa qaraı saýaptaryń, qarymdaryń men jazalaryń qııamet kúni, qabirlerińnen shyǵyp mahsharǵa baǵyttalǵan kúnde tolyq óteledi.

Amaldaryń qaıyrly bolsa, jazalary da qaıyrly bolmaq. Kerisinshe amaldaryń jaman bolsa, senderdiń jazalaryń da jaman bolady. Al sol qııamet kúni kimde-kim ottan aýlaqtatylyp, jahannamǵa tastaýǵa Ilahı erik dárgeıinen pármen bolmasa, máńgilik salaýat pen baqytqa qaýyshqany, aqyret azabynan qutylyp, muratyna jetip, ılahı izgilikke bólengeni.

Mine, adam osylaı máńgilik baqytqa qol jetkizý úshin eńbektenýge tıis jáne ony eń mańyzdy maqsat sanaý kerek. Dúnıelik ómir bolsa, ıaǵnı myna dúnıedegi búkil baılyq pen dáýlet, qyzmet pen mansap, tán lázzaty, sharýa, iship-jem bolsa – adamdy marqaıtatyn aldamshy, ótkinshi paıdadan basqa túk emes. Sondyqtan mundaı ótkinshi, pánı nárselerge bola adam shamadan tys muńaıyp, ýaıymǵa batpaýǵa tıis...