ALTYN KÓPIR
Tabıǵaty kerim, jeri shuraıly, ózen kólderi bar aımaqta eki týysqan ómir súripti. Ekeýi de eńbegin emgen, naǵyz sharýa eńbekqor jandar eken.
Qyryq jyl ishinde ekeýi bir birimen jaqsy túsinisip,bir birine demeý, súıeý bolyp tirshilik etken eken.
Átteń, ázázil azǵyraıyn dese qıynba, ekeýi sál túsinispeýshilikten renjisip qalypty.
Sol túsinspeýshilik sońy aýyr aýyr sózder aıtýǵa baryp, birin biri balaǵattap tastapty.
Sońy aptalyq únsizdikke ulasady.
Olar solaı,tomaǵa tuıyq ókpelesken kún keship júrgende aǵasynyń úıine bir kisi kelip"Aǵash ustasy edim,árkimge jaldanyp jumys istep kúneltip júrmin, úıińizden maǵan jumys tabylmaıma? "degen eken.
Aǵasy inisiniń úıine qarap turyp,
"Ana ózenniń arjaǵyndaǵy meniń inimniń úıi, sol ekeýmiz renjisip qalǵanbyz.
Myna ortada aǵyp jatqan ózen,bastapqyda jáı jińishke jylǵa bolatyn. Sony keshe inim Ekskovatormen qazyp keńitip tereńdetip jiberdi, meniń onyń úıine qaraı ótkenimdi qalamaǵany shyǵar. Mende, onyń ózinde úıinde kórgim kelmeıdi, myna aǵashtardan maǵan bıik sharbaq jasap ber" dep úı janynda jınaýly turǵan aǵashtardy kórsetti.
Sheberge aýlasyn kórsetip, jumysyna sáttilik tilep, aǵasy ortalyqtaǵy jármeńkege ketti.
Sheber aǵashtardy ólshep, kesip, jonyp
jumysqa yntalana kiristi.
Keshke taman jármeńkeden oralǵan aǵasy,
úı janynan eshqandaı sharbaq dýal kóre almady, esesine inisiniń úıine óter tusta ádemi, keremet myqty kópir turdy.
Aǵasy sheberge bir nárse aıtyp úlgermesten, keshki salym egistikten kele jatqan inisi kópirdi kórip jan dármenimen júgirip kelip aǵasyn qushaqtaı aldy.
"Aǵa sen naǵyz týyssyń, sen dúnıedegi eń jaqsy adamsyń, sen meniń ashýmen aıtqan sózderimdi, ortany bólgen qylyǵymdy keshirip osyndaı ádemi myqty kópir saldyń.
Men saǵan rızamyn aǵa" dep tebirene sóıledi.
Ekeýi jibergen qatelikterin aıtyp qaıta qaıta keshirim surasyp bolyp, sheberge rahmet aıtqaly burylǵanda ony kóre almady.
Sheber kóz ushynda bir jaqqa asyǵa basyp ketip bara jatty. Kim bilsin, taǵy bir arazdasqandardy tatýlastyrýǵa asyqqan shyǵar?
Qazirgi zamanda arazdasqan aǵaıyndardyń, jaýlasqan elderdiń arasyna osyndaı myqty kópir salar sheberler kerek aq...
Ýaqytynda Qazaqtar ol sheberlerdi AQSAQALDAR deýshi edi!!!
Qazaqtyń aǵaıyn arasyndaǵy altyn kópiri myqty bolǵaı aǵaıyn.
Men beıbitshilikti qalaımyn!!!
M. Kenjebaev. Beıneý.
