ALLANY ESKE ALÝDYŃ JEMISI MEN DANALYǴY

Alla Taǵala Quranda quldaryna:

«Meni eske alyńdar, Men de senderdi eske alamyn jáne Maǵan shúkirlik etińder de, kúpirlik etpeńder» («Baqara» súresi, 152-aıat);

«...Allany kóp eske alýshy erler men áıelder úshin Alla jarylqaý jáne uly syı (Jánnatty) ázirledi» («Ahzab» súresi, 35-aıat);

«Rabbyńa qupııa jalbarynyp, qoryqqan túrde (qatty daýystamaı) erteli-kesh ishteı (daýystaý men ishteı aıtý arasyndaǵy únmen) Ony esińe al! Ári qapersizderden bolma» («Aǵraf» súresi, 205-aıat) dep nasıhat aıtady.

Sondaı-aq, «Jýmýa» súresiniń 10-shy aıatynda «..murattaryńa jetý úshin Allany kóp eske alyńdar» nemese «Nısa» súresiniń 103-aıatynda:

«... Qashan namazdy oryndap bolsańdar, Allany turǵan, otyrǵan jáne jambasymen jatqan halde eske alyńdar...», - delingen.

Ábý Hýraıradan jetken hadıste: «Paıǵambarymyz (Oǵan Allanyń ıgiligi men sálemi bolsyn):

«Ózgelerdi jalǵyz qalǵandar basyp ozdy»,- degen eken. Odan: «Jalǵyz qalǵandar kimder?»,-dep suralǵanda:

 «Allany kóp eske alýshy erler men áıelder», - dep jaýap bergen (Mýslım).

 «Adamdar Allany eske alyp otyrǵanda, olardy mindetti túrde perishteler qorshap alady jáne olardy meıirim qorshaıdy, olarǵa tynyshtyq túsedi jáne Alla Taǵala da olardy Óziniń aldyndaǵylardyń arasynda eske alady» (Mýslım).

«Rabbysyn (zikir etip) eske alatyn adam men Ony (zikir etip) eske almaıtyn adamnyń aıyrmashylyǵy tiri men óliniń aıyrmashylyǵyndaı» (Buharı).

Sen Allany eske alsań, Ol seni eske alady!

Zikirdiń qundylyǵyn jetkizý úshin osy sózdiń ózi ábden jetkilikti! Álemderdiń Rabbysynyń esinde bolýdan artyq qandaı dáreje bar?!