ALLA TAǴALAǴA SYIYNÝ

قَالَ رَسُولُ اللهِ صَلَّى اللهُ عَلَيْهِ وَسَلَّمَ: اِذَا أَتَى عَلَىَّ يَوْمٌ لَا اَزْدَادُ فِيهِ عِلْمًا يُقَرِّبُنِى اِلَى اللهِ عَزَّ وَجَلَّ فَلَا بُورِكَ لِى فِى طُلُوعِ شَمْسِ ذٰلِكَ الْيَوْمِ. (الجامع الصغير)

Paıǵambarymyz (s.a.ý.) bylaı deıdi: «Alla Taǵalaǵa jaqyndatatyn bilim almaǵan kúni men úshin  sol tańnyń atýynda bereke joq». (Tabáranı, ál-Muǵjam ýl-kábır)

Haq taǵala quldaryna nápsi men shaıtannyń jamandyǵynan ózine syıynýdy buıyrǵan.

Shaıtannan jáne nápsiden shynaıy syıyný – Alla taǵalany zikir etip, Onyń ámirlerimen amal etý.

Imam Sharanıdiń ustazy oǵan bul jaıynda mynadaı nasıhat aıtqan:

«Balam, saǵan qııanat jasaǵanǵa mán berme, sen árdaıym Alla taǵalany zikir etip, qulshylyǵyńdy jasa, Alla seni odan qorǵaıdy. Óıtkeni seniń tabandylyǵyńdy synaý úshin ony seniń basyńa bále qylǵan Alla taǵalanyń ózi.

Rasynda adamdardyń kóbi bul oraıda qatelesýde jáne ózderine qııanat jasaýshylarmen áýre bolýda. Sol sebepti de kúnáǵa kirýmen qatar, kórgen zábir-japalary arta túsýde. Aıtylǵandaı, olar Alla taǵalaǵa bet burǵan jaǵdaıda, sózsiz, Alla taǵala olardy qaı kezde de qorǵanyna alady».

Shynynda áýlıe Alıı úl-Jámál (rah.) aıtqan: «Jaýyńa kórseter shynaıy qarsylyq – dostaryńa laıyqty ystyq sezimińdi jetkizý. Sen jaýyńa qarsylyq tanytýmen aınalyssań, dostaryńnyń da yqylasyn sýytasyń. Mine, osy kezde dushpanyń senen almaq bolǵan nársesine qol jetkizedi».

Qysqasy, aqyldy adam Alla taǵalany zikir etýshi. Zikir toqtamasa shaıtan men nápsiniń dymy qurıdy, sharasyz kúıde qalady. Olar baǵynady.

Ataýlla Eskendırı bylaı deıdi: «Shaıtan men nápsi senen eshqashan ǵapyl bolmaıtynyn bilip qana qoımaı, sen de bárine qudiretti Alla taǵalany zikir etýden eshqashan ǵapyl qalmaýǵa tyrys».