ALDYMEN ÓTIRIGIŃDI TYI!
Paıǵambarymyz (Oǵan Allanyń salaýaty men sálemi bolsyn): «Álemde eń birinshi ótirik aıtqan shaıtan jáne kimde-kim ótirik aıtsa, ol bizden emes», - degen. Halqymyzda «Ótirik - órge baspaıdy» degen naqyl bar. Dinimizde ótiriktiń qaı túrine bolsa da tyıym salynǵan. Ótirik aıtýǵa daǵdylanǵan adamdy «munafıq», ıaǵnı ekijúzdi deıdi. Qurannyń «Tın» súresinde «Tozaqta bulardyń orny - tómenderdiń tómeni» delingen. Qaljyńdap ótirik aıtsa da, ol kúná bolyp eseptelinýi múmkin. Oınaýdyń da shegi bar.
Paıǵambar (Oǵan Allanyń salaýaty men sálemi bolsyn) qaıtys bolǵannan keıin hadıs jınaqtaýshy ımam ál-Býharı bir adamnan hadıs estýge keledi. Álgi adam bos at dorbamen jylqysyn aldap shaqyrǵanyn kórgen ımam Býharı «Maldy aldaǵan adamdy da aldaıdy» dep, hadısin estimeı keri qaıtypty.
Ótirikti tek myna jaǵdaılarda aıtýǵa ruqsat etiledi: soǵysta tutqynǵa túske-de, erli-zaıypty men aǵaıyndylardy jarastyrý, jaqsylyqqa shaqyrý maqsatynda, aýrý adamnyń kóńilin aýlaý úshin (jaǵdaıyńyz jaqsy, jazylyp kelesiz dep). Munyń da ózindik mólsheri bolady.
Musa (Allanyń sálemi bolsyn) paıǵambarǵa bir adam kelip: «Menińótirik aıtatyn, urlyq jasaıtyn jáne araq ishetin úsh kúnám bar, munyńáýeli qaısysynan tyıylsam bolady?», - dep suraǵanda,«Ótirigińdi tyı!» degen eken. Kúndelikti ómirimizde ótiriktiń eń kóp aıtylatyn jeri - saýda oryndary. Alyp satatyn zatynyń qandaı da bolsyn kemistigin jasyryp, ne tym asyryp maqtaýymen ótirikshiniń qataryna engeni.
Ótirik - kóp kúnániń basy bolyp eseptelinedi. Ásirese, jastaıynan ótirik aıtýdy úırengen bala soǵan jany qumar bop alady. Der kezinde ata-ana qylyǵyn toqtatyp, ımandylyq pen Islamnan habar bermese, bala óse kele ótirik aıtýdan lázzat alatyn bolady. Bul úlken qaýip! Alla Taǵala qııamet kúninde Óziniń nazarynan tys qaldyratyn adamdardyń biri de osy - ótirikshilerden keledi. Alla shyndyqty súıedi. Sondyqtan ótirikten qashyp, shyndyqqa kelgen, kúnádan arylyp, saýapqa ergen, tozaqtan qutylyp, jánnatqa engen Jaratýshymyzdyń salıqaly quldarynan bolýdy Alla Taǵala barshamyzǵa násip etsin!
