Aǵzańyzǵa paıdaly 11 kókónis
Iship-jegen asymyz aǵzamyzdy óz «qaldyqtaryn» qaldyrady. Al ony tazartpasaq, túrli aýrýlarǵa ákep soqtyrady. Olaı bolsa, aǵza tazalaýǵa taptyrmas 11 dámge kóz júgirtelik.
1. Mındal.
Onyń quramynda qandaǵy qant mólsherin qalypta ustaýǵa kómektesetin kaltsıı, magnıı men aǵýyzdar kóp. Al mındal quramyndaǵy maı aǵzadan holesterınmdi shyǵaryp, ishek joldarynyń jumysyn jaqsartýǵa kómek bolady.
2. Avokado
Ol holesterın mólsherin azaıtyp, qan tamyrlaryn keńeıtedi. Quramyndaǵy glıýtatıon 30 túrli kantsrogenderdiń (organızmde qaterli isik aýrýlaryn jáne qaterli, qatersiz isikterdi týǵyzýshy hımııalyq qosylystar) jolyn kesedi.
3. Qyzylsha
Mıneraldarǵa baı qyzylsha ınfektsııamen jaqsy kúresedi. Sonymen qatar qan quramy men baýyrdy tazalaıdy. Ańyzǵa sensek, Afrodıta ádemiligin saqtap qalý úshin qyzylsha jegen kórinedi.
4. Kókjıdek
Onyń quramynda aýyrý sezimin joıatyn tabıǵı aspırın bar. Sondaı-aq kókjıdek antıbıotıkter sııaqty qýyq joldaryndaǵy bakterııalarǵa qarsy turyp, ınfektsııanyń taralýyna kedergi jasaıdy.
5. Oramjapyraq
Onyń quramyndaǵy kóptegen antıoksıdanttar baýyrǵa qaýipti zattardan arylýǵa kómektesedi. Sondaı-aq ol ishektiń qozǵalys fýnktsııasyn arttyryp, asqorytý júıesin tazartady. Temeki tútininiń zııanyn azaıtady.
6. Múkjıdek
Ol antıbıotık, ári vırýsqa qarsy dárilerdiń rolin atqarady, qýyq joldaryn túrli bakterııalardan tazartady.
7. Zyǵyr dáni men maıy
Olar omega-3-ke baı. Demek, aǵzaǵa taptyrmas tazartý quraly bolyp sanalady. Sondaı-aq zyǵyr dáni men maıy mı jumysyn jaqsartady.
8. Sarymsaq
Ol qaýipti bakterııalar men parazıtterdi, qandaǵy, ishki organdar men tynys joldaryndaǵy vırýstardy joıady. Arterıaldi qysymdy túsiredi.
9. Burshaq tuqymdastar
Úrmeburshaq, jasymyq, noqat, ózge de burshaqtar holesterın mólsherin tómendetedi. Ishek joldaryn tazartyp, qan quramyndaǵy qant mólsherin qalypqa keltiredi. Sonymen qatar aǵzany onkologııalyq aýrýlardan qorǵaıdy.
10. Lımon
Ol aǵzadaǵy qyshqyldy-siltilik tepe-teńdikti retteıdi. Al quramyndaǵy kóp mólsherdegi S jáne ózge de dárýmender baýyrdy tazalaıtyn glıýtatıonnyń kóp mólsherde túzilýine jaǵdaı jasaıdy. Sondaı-aq raktyń aldyn alyp, aǵzanyń lastanýyna jol bermeıdi.
11. Baldyrlar
Olar aǵzadaǵy aýyr metaldar men radıoaktıvti qaldyqtardy joıady. Sondaı-aq baldyrlardyń túrli mıneraldar men mıkroElementterge baı ekeni kóp jaǵdaıda eskerile bermeıdi.
