AǴASh PEN ADAM

Aǵash bir jerde turyp kóktegenmen aı men kúnniń, jer men kóktiń tárbıesin birdeı kóredi. Tórt mezgildiń ystyq-sýyǵyna shydap, tereńge tamyryn taratyp, japyraǵyn jaıyp, jupar ańqyp, gúldep, máýeli báıterekke aınalady.

Adam balasy da oıdy-qyrdy aralap, dúnıeni kezip, shartarapty sharlap, tynym kórmeı júrgenmen bir jerde ósip-ónip jatqan tirshilik ıesi.

Máseleniń mánisi - tal shybyqtyń alyp aǵashqa aınalýynda hám sábıdiń adam bola bilýinde!

Bizdiń qarapaıym aǵashtan úırenerimiz mol.

Aǵash aǵash kezinde - sán, pana, saıa, qurylys zaty, al qýraǵan shaǵynda - otyn, jylýdyń kózi.

Adam bary men joǵynda aǵash sııaqty paıdaly bola ala ma?

Paıdaly bola alady. Aǵashtan da asyp túsedi. Ol úshin Adam bolýy kerek! Tolyq adam! Kemel adam! Barynda da elge kerek, joǵynda da ( izgi amaldary, sózi sońynda qalady ) elge kerek. Bar kezine qaraǵanda joǵynda kóbirek, tipti únemi kerek eken. Biz Ál-Farabı, Abaı, Shákárim, Ǵumar Qarash, Máshhúr Júsip syndy tulǵalarymyzdyń bir aýyz sózin áli paıdalanamyz, olardy úlken-kishimiz bolyp bilemiz jáne izdeımiz. Danalyǵyna zárýmiz. Olardyń sózinen kúsh-qaırat alamyz. Ózderi bul dúnıede joq bolsa da biz olarǵa muqtajbyz. Al aǵashtyń bergen jylýy jaz shyqpaı jatyp ( kúlge aınalǵan boıy) umytylady. Adamnyń jylýy eki dúnıede saqtalady. Aty umytylmaıdy.

Adam bolý - asyl maqsat!

Munaıdar BALMOLDA