ТЕКТІЛІК. (ҚАН ТАЗАЛЫҒЫ)

Мерлин Монро деген әлем ғашық болған қас сұлу Америкаға келген Эйнштейнмен кездесіп тұрып, Екеуміз үйленсек баламыз, маған тартып, өте сұлу, саған тартып, өте ақылды болады десе, шашы қобдыраған шал, егер керісінше болса қайтеміз деген екен.

(Керісінше дегені, бала шағамыз маған тартып ұсқынсыз, әрі саған тартып ақылсыз болса құрыдық қой дегені)

Өздеріміз үйленіп, үй жай болып. болары болып, бояуы сіңіп болды ғой. Енді қызыңды қай әулиетке беруді, ұлыңа қай әулиеттен қыз әперудің қамына кірісіңіздер.

Билердің төбе биі болған Төлеби ұлына келінді өзі іздеп, Сиқым руынан шыққан бір жарлының қызын алып бергені тарихтан аян. Данағөй қарт Төлеби, Данагүл атты қызды даналығымен сынап жүріп өзіне келін етіп алған.

Абайға әйелді Құнанбай алып берген. Қосыла алмай қалған Тоғжандар біздің арамызда да жетіп артылады.

Қыздың тәрбиесі анадан, ал қаны әкеден.

Ұлдың тәрбиесі әкеден, қаны анадан. Оны генетика ғылымы дәлелдеген.

Ал Қазақ, оны бұрын дәлелдеп қойған.

Әкең жақсы адам еді жамбас жеген,

Жақсыдан жаман туса отбасы деген.

Шешеңізде бір кәкір бар деуші еді,

Бөрі жүні қылшықсыз болмас деген- деп жырлағаны сондықтан.

Бір биеден ала да туады, құла да туады.

Баланы тусаң да мінезін тумайсың- деп жатады.

Ол рас дүние.

Ал, ала мен құлаға келсек, ол да генетика. Біреу әкесіне, біреу шешесіне, біреу атасына, біреу нағашысына т.б тартып туады.

Баланы туасың, ал мінезін тумайсың. Ол үшін не істеу керек? Ең бірінші балаңның сана санына қара, сосын жұлдызнамасына қара. Соған қарап балаңды өмірге қарай бағытта. Сол арқылы ғана балаңмен қарым қатынас жаса. Өйткені ол өзін, өзінің жақсы немесе жаман жағын түсінбейді.

Абадан. Неге бір үйден бір ақ қана Абадан шығады?

Неге сол бәрін сүйрейді? Неге сол әулиет үшін, ағайын туыс, жора жолдас, түптің түбінде ел үшін шырылдап жүреді,?

Қалғаны қарақан басы үшін әуре. Көңілі қош, тамағы тоқ болса болды.

Өйткені оны, туған күні, айы, жылы арқылы сол әулиетке Құдай жібереді.

Мен, Абаданынан айрылып қалған әулиеттің бағы басынан тайғанын көрген адаммын.

Оның миссиясы ауыр. Көтерген жүгі одан да ауыр.

Мың жерден бай бол, кісі бол, дәулетті бол, Абаданың құласа, берекең сонымен бірге құлайды. Өйткені қасиет сол бауырыңда жүреді.

Ал, баққа келер болсақ, бақ деген тұрақсыз.

Төлеби төсек тартып жатқанда үш жүзден үш жігіт кеп көңілін сұрағанда-. Төлеби әлгілерді зерттеп тұрып ; Бақ деген соқырдың көзіне, таздың басына, пұшықтың мұрнына қона береді екен ғой - деген екен.

Ал қасиет ше?

Қасиет қанмен келеді. Ата-бабаң, әкең қандай болса сен де сол жолдан тайқып, айнып кете алмайсың.

Жас кезінде Абай əкесі Құнанбайға: "Əке, мен нағашыларыма тартқан сияқтымын. Менің нағашыларым атақты Орта жүзді сөзбен қырған Битен, Шитендер ғой,"-депті.

Сонда Құнанбай: "Бəйгеден келген атты қай айғырдың тұқымы деуші еді. Қай биенің тұқымы деп қазақ сұрамаушы еді" деген екен

Абай сөзден тосылып, əкесінен кешірім сұрапты

Құнанбайдың дегені де дұрыс.

Қан әкең мен атаң, бабаңнан ағып келіп жатқан дүние.

Ал, тоғыз ай он күн кімнің ішінде жаттың?

Анаңның әрине.

Оның қанын қайда жібереміз?

Айта берсем айтатын дүние өте көп. Оны тағы да қозғай жатармыз.

Текті мен текті құда болса арасында жорға жүреді - деп мақалды өзгертіп, текті жердің қызын алып, текті жерге қыз бергенге не жетсін- дегім келгені ғой.

Бақыт ұшатұғын құс,

Байлық еритұғын мұз.

Бала артта қалар із - деп Төлеби бабам айтпақшы артта қалар ізді де текті жердің қызынан тудырған жақсы ау - деп жазбамды аяқтайын.

Абдулмахмуд ПОШАТАЕВ