АЛТЫН КӨПІР

Табиғаты керім, жері шұрайлы, өзен көлдері бар аймақта екі туысқан өмір сүріпті. Екеуі де еңбегін емген, нағыз шаруа еңбекқор жандар екен.

Қырық жыл ішінде екеуі бір бірімен жақсы түсінісіп,бір біріне демеу, сүйеу болып тіршілік еткен екен.

Әттең, әзәзіл азғырайын десе қиынба, екеуі сәл түсініспеушіліктен ренжісіп қалыпты.

Сол түсінспеушілік соңы ауыр ауыр сөздер айтуға барып, бірін бірі балағаттап тастапты.

Соңы апталық үнсіздікке ұласады.

Олар солай,томаға тұйық өкпелескен күн кешіп жүргенде ағасының үйіне бір кісі келіп"Ағаш ұстасы едім,әркімге жалданып жұмыс істеп күнелтіп жүрмін, үйіңізден маған жұмыс табылмайма? "деген екен.

Ағасы інісінің үйіне қарап тұрып,

"Ана өзеннің аржағындағы менің інімнің үйі, сол екеуміз ренжісіп қалғанбыз.

Мына ортада ағып жатқан өзен,бастапқыда жәй жіңішке жылға болатын. Соны кеше інім эксковатормен қазып кеңітіп тереңдетіп жіберді, менің оның үйіне қарай өткенімді қаламағаны шығар. Менде, оның өзінде үйінде көргім келмейді, мына ағаштардан маған биік шарбақ жасап бер" деп үй жанында жинаулы тұрған ағаштарды көрсетті.

Шеберге ауласын көрсетіп, жұмысына сәттілік тілеп, ағасы орталықтағы жәрмеңкеге кетті.

Шебер ағаштарды өлшеп, кесіп, жонып

жұмысқа ынталана кірісті.

Кешке таман жәрмеңкеден оралған ағасы,

үй жанынан ешқандай шарбақ дуал көре алмады, есесіне інісінің үйіне өтер тұста әдемі, керемет мықты көпір тұрды.

Ағасы шеберге бір нәрсе айтып үлгерместен, кешкі салым егістіктен келе жатқан інісі көпірді көріп жан дәрменімен жүгіріп келіп ағасын құшақтай алды.

"Аға сен нағыз туыссың, сен дүниедегі ең жақсы адамсың, сен менің ашумен айтқан сөздерімді, ортаны бөлген қылығымды кешіріп осындай әдемі мықты көпір салдың.

Мен саған ризамын аға" деп тебірене сөйледі.

Екеуі жіберген қателіктерін айтып қайта қайта кешірім сұрасып болып, шеберге рахмет айтқалы бұрылғанда оны көре алмады.

Шебер көз ұшында бір жаққа асыға басып кетіп бара жатты. Кім білсін, тағы бір араздасқандарды татуластыруға асыққан шығар?

Қазіргі заманда араздасқан ағайындардың, жауласқан елдердің арасына осындай мықты көпір салар шеберлер керек ақ...

Уақытында Қазақтар ол шеберлерді АҚСАҚАЛДАР деуші еді!!!

Қазақтың ағайын арасындағы алтын көпірі мықты болғай ағайын.

Мен бейбітшілікті қалаймын!!!

М. Кенжебаев. Бейнеу.